masthmagaa.com:
ಯುದ್ಧಪೀಡಿತ ಯುಕ್ರೇನ್ನಲ್ಲಿ ಸಿಲುಕಿಕೊಂಡಿದ್ದ ಎಲ್ಲಾ 5,200 ಚೀನಿಯರನ್ನ ಸ್ಥಳಾಂತರ ಮಾಡಲಾಗಿದೆ ಅಂತ ಇತ್ತೀಚೆಗಷ್ಟೇ ಚೀನಾ ಘೋಷಿಸಿತ್ತು. ಆದ್ರೆ ಸ್ಥಳಾಂತರಗೊಂಡವರು ಆರ್ಥಿಕವಾಗಿ ಮತ್ತು ಮಾನಸಿಕವಾಗಿ ಸಾಕಷ್ಟು ಟಾರ್ಚರ್ ಅನುಭವಿಸಿದ್ರು ಅನ್ನೋ ವಿಚಾರವೀಗ ಬೆಳಕಿಗೆ ಬಂದಿದೆ. ರೊಮೇನಿಯಾ ಮತ್ತು ಪೊಲ್ಯಾಂಡ್ನಿಂದ ಸ್ಥಳಾಂತರ ಚಾರ್ಟರ್ ಫ್ಲೈಟ್ಗಳನ್ನ ಹತ್ತಲು ಪ್ರತಿ ವ್ಯಕ್ತಿಗೆ ಸುಮಾರು 18,000 ಯುವಾನ್ ಚಾರ್ಜ್ ಮಾಡಿತ್ತು ಚೀನಾ ಅಂತ ವರದಿಯಾಗಿದೆ. 18,000 ಯುವಾನ್ ಅಂದ್ರೆ ಭಾರತದ ರೂಪಾಯಿ ಲೆಕ್ಕದಲ್ಲಿ ಸುಮಾರು 2 ಲಕ್ಷ ರೂಪಾಯಿ ಆಗುತ್ತೆ. ಅಲ್ಲಿಂದ ಚೀನಾಗೆ ಬಂದ ನಾಗರಿಕರು, 14ರಿಂದ 24 ದಿನಗಳ ಕಾಲ ನಿಗದಿಪಡಿಸಿದ ಹೋಟೆಲ್ಗಳಲ್ಲಿ ತಮ್ಮದೇ ಖರ್ಚಿನಲ್ಲಿ ಕ್ವಾರಂಟೈನ್ಗೆ ಒಳಪಡಬೇಕಿತ್ತು. ಇಂಥಾ ಹೋಟೆಲ್ಗಳಲ್ಲಿ ಕೆಲವರಿಗೆ ಲಕ್ಷಗಟ್ಟಲೆ ಬಿಲ್ ಆಗಿತ್ತು. ಕೆಲವರಂತೂ ಇಷ್ಟೆಲ್ಲಾ ದುಡ್ಡು ಕೊಟ್ಟು ನಾವ್ ಚೀನಾಗೆ ವಾಪಸ್ ಹೋಗ್ಬೇಕಾ ಅಂತ ಮತ್ತೊಮ್ಮೆ ಯೋಚಿಸಿದ್ರು. ಇನ್ನೂ ಕೆಲವರು ಈ ದರಗಳನ್ನ ಕಮ್ಮಿ ಮಾಡುವಂತೆ, ಸಬ್ಸೀಡಿ ನೀಡುವಂತೆ ಅಥವಾ ತಮಗೆ ರೂಮ್ ವ್ಯವಸ್ಥೆ ಮಾಡುವಂತೆ ಕೆಲವರು ಆನ್ಲೈನ್ನಲ್ಲಿ ಪೆಟಿಷನ್ ಕೂಡ ಸಹಿ ಮಾಡಿದ್ರು ಅಂತ ವರದಿಯಾಗಿದೆ. ನಾವು ವಿದ್ಯಾರ್ಥಿಗಳು, ನಮ್ಮಿಂದ ಇಷ್ಟೆಲ್ಲಾ ದುಡ್ಡು ವಸೂಲಿ ಮಾಡೋದು ಸರಿಯಲ್ಲ ಅಂತ ಕೆಲ ವಿದ್ಯಾರ್ಥಿಗಳು ಅಸಮಾಧಾನ ಕೂಡ ಹೊರಹಾಕಿದ್ರು. ಈ ಬಗ್ಗೆ ಚೀನಾ ವಿದೇಶಾಂಗ ಇಲಾಖೆ ಯಾವುದೇ ಪ್ರತಿಕ್ರಿಯೆ ಕೊಟ್ಟಿಲ್ಲ.
-masthmagaa.com
Contact Us for Advertisement