masthmagaa.com:
ಟೆಕ್ ಕ್ಷೇತ್ರದ ದೈತ್ಯ ಕಂಪನಿ ಗೂಗಲ್ನಲ್ಲಿ ಜನಾಂಗೀಯ ನಿಂದನೆ, ತಾರಮ್ಯ ವಿರುದ್ಧ ನಡೀತಿದ್ದ ಹೋರಾಟ ಮುಂದುವರಿದಿದೆ. ಇದರ ಮುಂದುವರಿದ ಭಾಗವಾಗಿ ಗೂಗಲ್ ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ತಂಡದ ಮ್ಯಾನೇಜರ್ ಸ್ಯಾಮಿ ಬೆಂಜಿಯೋ ರಾಜೀನಾಮೆ ನೀಡಿದ್ದಾರೆ. ಅಂದ್ಹಾಗೆ ಗೂಗಲ್ನ ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ಸಂಶೋಧಕರಾಗಿದ್ದ ಟಿನ್ಮಿಟ್ ಗೆಬ್ರು ಅವರನ್ನ ಕಳೆದ ವರ್ಷದ ಡಿಸೆಂಬರ್ನಲ್ಲಿ ಕಂಪನಿಯಿಂದ ಫೈರ್ ಮಾಡಲಾಗಿತ್ತು. ರಿಸರ್ಚ್ ಪೇಪರ್ ಒಂದಕ್ಕೆ ಸಂಬಂಧಿಸಿದಂತೆ ಗೂಗಲ್ ಮತ್ತು ಗೆಬ್ರು ನಡುವೆ ಸಂಘರ್ಷ ನಡೀತಿತ್ತು, ಹೀಗಾಗಿ ಅವರನ್ನ ಫೈರ್ ಮಾಡಿತ್ತು ಕಂಪನಿ. ಬಳಿಕ ಈ ವರ್ಷದ ಫೆಬ್ರವರಿಯಲ್ಲಿ ಮಾರ್ಗರೆಟ್ ಮಿಶೆಲ್ ಅವರನ್ನ ಕೂಡ ಫೈರ್ ಮಾಡ್ತು ಗೂಗಲ್.
ಕಂಪನಿಯ ಫೈಲ್ಗಳನ್ನ ಬೇರೆಯವರಿಗೆ ಲೀಕ್ ಮಾಡಿದ್ದಕ್ಕೆ ಅವರನ್ನ ಕಿತ್ತಾಕಿದ್ದೀವಿ ಅಂತ ಗೂಗಲ್ ಹೇಳ್ತು. ಆದ್ರೆ ಕಂಪನಿಯಲ್ಲಿ ನಡೀತಿದ್ದ ಜನಾಂಗೀಯ ತಾರತಮ್ಯ, ಲಿಂಗ ತಾರತಮ್ಯದ ಬಗ್ಗೆ ದನಿ ಎತ್ತಿದ್ದಕ್ಕೆ ಕೆಲಸದಿಂದ ತೆಗೆದು ಹಾಕಿದ್ದಾರೆ ಅಂತ ಮಾರ್ಗರೆಟ್ ಮಿಶೆಲ್ ಗಂಭೀರ ಆರೋಪ ಮಾಡಿದ್ರು. ಗೆಬ್ರು ಕೂಡ ತಾವು ಕಪ್ಪು ವರ್ಣಿಯ ಆಗಿದ್ದರಿಂದ ತಮ್ಮನ್ನ ಕಂಪನಿಯು ಬೇರೆ ಥರ ನೋಡ್ತು ಅಂತ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಇವರಿಬ್ಬರನ್ನ ಫೈರ್ ಮಾಡಿದ ಬೆನ್ನಲ್ಲೇ ಸ್ಯಾಮಿ ಬೆಂಜಿಯೋ ಕೂಡ ರಾಜೀನಾಮೆ ನೀಡಿದ್ದಾರೆ. ಇವರೆಲ್ಲಾ ಗೂಗಲ್ ಬ್ರೈನ್ ಅನ್ನೋ ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ಪ್ರಾಜೆಕ್ಟ್ ಮೇಲೆ ಕೆಲಸ ಮಾಡ್ತಿದ್ರು. ಆದ್ರೀಗ ಒಬ್ಬರಾದ ಮೇಲೊಬ್ಬರಂತೆ ರಿಸೈನ್ ಮಾಡ್ತಿರೋದು ಆಲ್ಫಬೆಟ್ ಇನ್ಕಾರ್ಪೊರೇಟೆಡ್ನ ಯೂನಿಟ್ ಆಗಿರೋ ಗೂಗಲ್ಗೆ ದೊಡ್ಡ ಪೆಟ್ಟು ಕೊಟ್ಟಂತಾಗಿದೆ.
-masthmagaa.com
Contact Us for Advertisement