masthmagaa.com:
ಒಮೈಕ್ರಾನ್ ಭೀತಿ ಬೆನ್ನಲ್ಲೇ ಭಾರತದಲ್ಲಿ ಮತ್ತೆರಡು ಲಸಿಕೆ ಮತ್ತು ಆ್ಯಂಟಿ ವೈರಲ್ ಮಾತ್ರೆಗೆ ಕೇಂದ್ರ ಸರ್ಕಾರ ಗ್ರೀನ್ ಸಿಗ್ನಲ್ ನೀಡಿದೆ. ಕಾರ್ಬೇವ್ಯಾಕ್ಸ್ ಮತ್ತು ಕೋವೋವ್ಯಾಕ್ಸ್ ಲಸಿಕೆಗಳು.. ಇದು ಸ್ಪೈಕ್ ಪ್ರೊಟೀನ್ ಮೇಲೆ ದಾಳಿ ನಡೆಸೋ ಲಸಿಕೆ. ಭಾರತದಲ್ಲೇ ಸ್ವದೇಶಿಯಾಗಿ ಉತ್ಪಾದಿಸಿದ ಲಸಿಕೆ ಇದು. ಹೈದ್ರಾಬಾದ್ ಮೂಲದ ಬಯಾಲಾಜಿಕಲ್ ಇ ಈ ಲಸಿಕೆಯನ್ನು ಅಭಿವೃದ್ಧಿಪಡಿಸಿದೆ. ಇನ್ನು ಕೋವೋವ್ಯಾಕ್ಸ್ ನ್ಯಾನೋಪಾರ್ಟಿಕಲ್ ಲಸಿಕೆಯಾಗಿದ್ದು, ಇದನ್ನು ಪುಣೆಯ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಉತ್ಪಾದಿಸಲಿದೆ. ಈ ಮೂಲಕ ದೇಶದಲ್ಲಿ ಒಟ್ಟು 8 ಲಸಿಕೆಗಳ ಬಳಕೆಗೆ ಗ್ರೀನ್ ಸಿಗ್ನಲ್ ನೀಡಿದಂತಾಗಿದೆ. ಇನ್ನು ಮೊಲ್ನೋಪಿರಾವಿರ್ ಅನ್ನೋ ಮಾತ್ರೆಯನ್ನು ಭಾರತದಲ್ಲಿ 13 ಸಂಸ್ಥೆಗಳು ಅಭಿವೃದ್ಧಿಪಡಿಸ್ತಿದ್ದು, ವಯಸ್ಕರಿಗೆ ಕೊರೋನಾ ಬಂದು ಸೀರಿಯಸ್ ಆದ್ರೆ ಮಾತ್ರ ಇದನ್ನು ಬಳಸಲು ಅನುಮತಿಸಲಾಗಿದೆ. ಇತ್ತೀಚೆಗೆ ಅಮೆರಿಕದಲ್ಲೂ ಈ ಮಾತ್ರೆಯ ತುರ್ತು ಬಳಕೆಗೆ ಗ್ರೀನ್ ಸಿಗ್ನಲ್ ನೀಡಲಾಗಿತ್ತು.
-masthmagaa.com
Contact Us for Advertisement