masthmagaa.com:
ಅಮೆರಿಕದ ಟೆಕ್ಸಾಸ್ನ ಬಾನಂಗಳದಲ್ಲಿ ವಿಚಿತ್ರವೊಂದು ಸಂಭವಿಸಿದೆ. ಇಲ್ಲಿನ ಸಾವಿರಾರು ಜನ ಹಾರುತ್ತಿರುವ ಬೆಂಕಿಯ ಉಂಡೆಯೊಂದನ್ನು ನೋಡಿದ್ದಾರೆ. ಇದ್ರ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ತುಂಬಾ ವೈರಲ್ ಆಗಿವೆ. ಉಲ್ಕೆಗಳಿಗೆ ಸಂಬಂಧಿಸಿದಂತೆ ಸಂಶೋಧನೆ ನಡೆಸೋ American Meteor Society ಪ್ರಕಾರ ಇಂಥಹ 213 ಘಟನೆಗಳು ವರದಿಯಾಗಿದ್ದು, ಈ ಪೈಕಿ ಮೂರು ಘಟನೆಗಳ ವಿಡಿಯೋಗಳು ಕೂಡ ಇವೆ. ಕೆಲವರು ಟೆಕ್ಸಾಸ್ನಲ್ಲಿ ಈ ಬೆಂಕಿ ಉಂಡೆ ನೋಡಿದ್ರೆ, ಇನ್ನು ಕೆಲವರು ಒಕ್ಲಹೋಮ, ಮಿಸೂರಿ, ಅರ್ಕಾನ್ಸಸ್ ಮತ್ತು ಲೂಸಿಯಾನಾದಲ್ಲಿ ನೋಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರೋ ವಿಡಿಯೋದಲ್ಲಿ ಮೂರು ಸೆಕೆಂಡ್ನಷ್ಟು ಸಮಯ ಈ ಬೆಂಕಿ ಉಂಡೆ ಹಾರಾಡೋದು ಕಾಣಿಸುತ್ತೆ. ಕೆಲವರಂತೂ ಈ ಬೆಂಕಿ ಉಂಡೆ ತೇಲುವಾಗ ವಿಚಿತ್ರವಾದ ಶಬ್ದ ಕೂಡ ಬರ್ತಿತ್ತು ಅಂತ ಹೇಳಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ American Meteor Society ಈ ರೀತಿ ಹಾರೋ ಬೆಂಕಿ ಉಂಡೆ ಬೇರೆ ಏನೂ ಅಲ್ಲ. ಅದು ಉಲ್ಕಾ ಪಿಂಡಗಳು.. ಇದು ರಾತ್ರಿ ವೇಳೆ ಶುಕ್ರ ಗ್ರಹದಷ್ಟು ಹೊಳೆಯುತ್ತಿರುತ್ತೆ ಅಂತ ಹೇಳಿದೆ.
-masthmagaa.com
Contact Us for Advertisement