masthmagaa.com:
ದ್ವೀಪರಾಷ್ಟ್ರ ನ್ಯೂಜಿಲ್ಯಾಂಡ್ನಲ್ಲಿ ಕೊರೋನಾ ನಿಯಂತ್ರಣಕ್ಕೆ ಜಾರಿಗೆ ತಂದಿರೋ ನಿರ್ಬಂಧಗಳನ್ನ ವಿರೋಧಿಸಿ ಮತ್ತು ಶಿಕ್ಷಕರು, ಆರೋಗ್ಯ ಕಾರ್ಯಕರ್ತರು, ವಿಕಲಚೇತನರು ಕಡ್ಡಾಯವಾಗಿ ಕೊರೋನಾ ಲಸಿಕೆ ಹಾಕಿಸಿಕೊಳ್ಳಬೇಕು ಅನ್ನೋ ನಿಯಮವನ್ನ ವಿರೋಧಿಸಿ ಸಾವಿರಾರು ಜನ ಪ್ರತಿಭಟನೆ ನಡೆಸಿದ್ದಾರೆ. ‘ನಾವು ಲ್ಯಾಬ್ನಲ್ಲಿರೋ ಇಲಿಗಳಲ್ಲ’, ನಮಗೆ ಸ್ವಾತಂತ್ರ್ಯ ಕೊಡಿ, 2018 ಅನ್ನ ನಮಗೆ ವಾಪಸ್ ಕೊಡಿ ಅನ್ನೋ ಪೋಸ್ಟರ್ಗಳನ್ನ ಹಿಡಿದು ಪ್ರತಿಭಟನೆ ನಡೆಸಿದ್ದಾರೆ. ಪ್ರತಿಭಟನೆ ಹಿನ್ನೆಲೆ ನ್ಯೂಜಿಲ್ಯಾಂಡ್ ಪಾರ್ಲಿಮೆಂಟ್ ಸುತ್ತಮುತ್ತ ಭದ್ರತೆಯನ್ನ ಹೆಚ್ಚಿಸಲಾಗಿದೆ.
– ಅತ್ತ ಆಸ್ಟ್ರೇಲಿಯಾದಲ್ಲಿ ಕೊರೋನಾ ಲಸಿಕೆ ಹಾಕಿಸದೇ ಇರೋರು ಐಸಿಯು ಸೇರುವ ಅಥವಾ ಸಾವನ್ನಪ್ಪೋ ಪ್ರಮಾಣ ಲಸಿಕೆ ಹಾಕ್ಕೊಂಡವರಿಗಿಂತ 16 ಪಟ್ಟು ಹೆಚ್ಚಿರುತ್ತೆ. ಹೀಗಾಗಿ ಲಸಿಕೆ ಹಾಕ್ಕೊಳ್ಳಿ ಅಂತ ಆರೋಗ್ಯಾಧಿಕಾರಿಗಳು ಜನರಿಗೆ ಆಗ್ರಹಿಸಿದ್ದಾರೆ.
– ಎರಡೂ ಡೋಸ್ ಕೊರೋನಾ ಲಸಿಕೆ ಹಾಕಿಸಿಕೊಂಡವರಿಗೆ ಅಮೆರಿಕ ನಿನ್ನೆಯಿಂದ ತನ್ನ ಗಡಿಯನ್ನ ಓಪನ್ ಮಾಡಿದ ಬೆನ್ನಲ್ಲೇ ಏರ್ಪೋರ್ಟ್ಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗಿದೆ. ಸುಮಾರು ಒಂದೂವರೆ ವರ್ಷದ ಬಳಿಕ ತಮ್ಮವರನ್ನ ನೋಡಿ ಕುಟುಂಬಸ್ಥರು ಏರ್ಪೋರ್ಟ್ನಲ್ಲೇ ಆನಂದಭಾಷ್ಪ ಹಾಕಿದ್ದಾರೆ.
– ಚೀನಾದಲ್ಲಿ ಕಳೆದ 24 ಗಂಟೆಯಲ್ಲಿ 62 ಹೊಸ ಕೊರೋನಾ ಪ್ರಕರಣ ವರದಿಯಾಗಿದೆ. ಇದರಲ್ಲಿ 43 ಸ್ಥಳೀಯ ಕೇಸ್ಗಳಾಗಿದ್ರೆ, 19 ವಿದೇಶದಿಂದ ಬಂದ ಹಿನ್ನೆಲೆ ಹೊಂದಿದೆ. ಒಂದೇ ಒಂದು ಕೊರೋನಾ ಕೇಸ್ ವರದಿಯಾಗ್ಬಾರ್ದು ಅನ್ನೋ ಅಪ್ರೋಚ್ ಇಟ್ಟುಕೊಂಡಿರೋ ಚೀನಾದಲ್ಲಿ ಕಳೆದೊಂದು ತಿಂಗಳಿಂದ ಡಬಲ್ ಡಿಜಿಟ್ಗೆ ಕೇಸಸ್ ವರದಿಯಾಗ್ತಿದೆ. ಅತ್ತ ರಷ್ಯಾ ಜೊತೆ ಗಡಿ ಹಂಚಿಕೊಂಡಿರೋ ಹಿಯಾಹೆ (Heihe) ನಗರದಲ್ಲಿ ಲೇಟೆಸ್ಟ್ ಕೊರೋನಾ ಔಟ್ಬ್ರೇಕ್ನ ಮೂಲದ ಬಗ್ಗೆ ಮಾಹಿತಿ ನೀಡಿದವರಿಗೆ ಒಂದು ಲಕ್ಷ ಯುವಾನ್ ಕೊಡೋದಾಗಿ ಘೋಷಿಸಲಾಗಿದೆ. ಒಂದು ಲಕ್ಷ ಯುವಾನ್ ಅಂದ್ರೆ ಭಾರತದ ರೂಪಾಯಿ ಲೆಕ್ಕದಲ್ಲಿ ಸುಮಾರು 11 ಲಕ್ಷ ಆಗುತ್ತೆ. ಯಾವುದಾದ್ರೂ ಸ್ಥಳದಲ್ಲಿ ಕೊರೋನಾ ಸೋಂಕು ಸ್ಫೋಟಗೊಂಡಾಗ ತಕ್ಷಣ ಆ ಪ್ರದೇಶದಕ್ಕೆ ಕ್ರಮ ಕೈಗೊಂಡು, ಸೋಂಕಿತರ ಸಂಪರ್ಕಿತರನ್ನ ಪತ್ತೆಹಚ್ಚಿದ್ರೆ ಇನ್ನಷ್ಟು ಜನರಿಗೆ ಹರಡೋದನ್ನ ತಡೆಯಲು ಈ ರೀತಿ ನಗದು ಬಹುಮಾನ ಘೋಷಿಸಲಾಗಿದೆ.
– ಕೊರೋನಾ ಹಾವಳಿ ಇಡ್ತಿರೋ ರಷ್ಯಾದಲ್ಲಿ ಕಳೆದ 24 ಗಂಟೆಯಲ್ಲಿ 39 ಸಾವಿರ ಕೇಸ್ ದೃಢಪಟ್ಟಿದೆ. ದಾಖಲೆಯ 1,211 ಮಂದಿ ಕೊರೋನಾಗೆ ಬಲಿಯಾಗಿದ್ದಾರೆ.
– ಮಾದಕ ವಸ್ತು ಕಳ್ಳಸಾಗಣೆ ಪ್ರಕರಣದಲ್ಲಿ ಸಿಂಗಾಪುರ್ನಲ್ಲಿ ಸಿಕ್ಕಿಬಿದ್ದಿದ್ದ ಭಾರತೀಯ ಮೂಲದ ಮಲೇಷ್ಯಾದ ವ್ಯಕ್ತಿಯ ಗಲ್ಲು ಶಿಕ್ಷೆಯನ್ನ ಸಿಂಗಾಪುರ್ ಕೋರ್ಟ್ ತಡೆಹಿಡಿದಿದೆ. ಎಲ್ಲವೂ ಅಂದುಕೊಂಡಂತೆಯಾದ್ರೆ ಬುಧವಾರ ಈ ನಾಗೇಂದ್ರನ್ ಕೆ ಧರ್ಮಲಿಂಗಮ್ಗೆ ಗಲ್ಲಿಗೇರಿಸಬೇಕಿತ್ತು. ಆದ್ರೀಗ ಈತನಿಗೆ ಕೊರೋನಾ ಪಾಸಿಟಿವ್ ಬಂದಿರೋ ಹಿನ್ನೆಲೆ ಗಲ್ಲಿಗೇರಿಸೋದನ್ನ ತಡೆ ಹಿಡಿಯಲಾಗಿದೆ. ಈತ 2010ರಲ್ಲಿ ಮಲೇಷ್ಯಾದಿಂದ ಸಿಂಗಾಪುರ್ಗೆ ಅಕ್ರಮವಾಗಿ ಮಾದಕ ವಸ್ತು ಪೂರೈಸುವಾಗ ಸಿಕ್ಕಿಬಿದ್ದಿದ್ದ. ಆದ್ರೆ ಗಲ್ಲು ಶಿಕ್ಷೆ ಅನ್ನೋದು ತುಂಬಾ ಗಂಭೀರ ಪ್ರಕರಣಗಳಲ್ಲಿ ಕೊಡ್ಬೇಕು ಅನ್ನೋದು ವಿಶ್ವಸಂಸ್ಥೆ ತಜ್ಞರ ಅಭಿಪ್ರಾಯ. ಆದ್ರೆ ಈ ಕೇಸ್ನಲ್ಲಿ ಮಾದಕ ವಸ್ತು ಕಳ್ಳಸಾಗಣೆ ಪ್ರಕರಣದಲ್ಲೇ ಗಲ್ಲು ಶಿಕ್ಷೆ ವಿಧಿಸಲಾಗಿದೆ. ಹೀಗಾಗಿ ಈ ಪ್ರಕರಣ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
-masthmagaa.com
Contact Us for Advertisement