masthmagaa.com:
ಮಾನವ ಹಕ್ಕುಗಳ ಹೋರಾಟಗಾತಿ ಮತ್ತು ನೋಬೆಲ್ ಪ್ರಶಸ್ತಿ ಪುರಸ್ಕೃತೆ ಮಲಾಲಾ ಯುಸುಫ್ಝೈ ಫೋಟೋಗಳನ್ನ ಪ್ರಕಟಿಸಿದ್ದ ಶಾಲಾ ಪಠ್ಯ ಪುಸ್ತಕಗಳನ್ನ ಪಾಕಿಸ್ತಾನದ ಅಧಿಕಾರಿಗಳು ಸೀಜ್ ಮಾಡಿದ್ದಾರೆ. ಅಂದ್ಹಾಗೆ ಮೊನ್ನೆ ಸೋಮವಾರ ಮಲಾಲಾ ಯುಸುಫ್ಝೈ 24ನೇ ವರ್ಷಕ್ಕೆ ಕಾಲಿಟ್ಟಿದ್ರು. ಈ ಹಿನ್ನೆಲೆ ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ಟೆಕ್ಟ್ಸ್ಬುಕ್ ಬೋರ್ಡ್ 7ನೇ ತರಗತಿಯ ಸಮಾಜಶಾಸ್ತ್ರ ಪುಸ್ತಕದಲ್ಲಿ ಪ್ರಮುಖ ವ್ಯಕ್ತಿಗಳ ಫೋಟೋಗಳನ್ನ ಪ್ರಿಂಟ್ ಮಾಡಿತ್ತು. ಅದರಲ್ಲಿ ಮಲಾಲಾ ಯುಸುಫ್ಜೈ ಫೋಟೋ ಕೂಡ ಇತ್ತು. ಇದರಿಂದ ರೊಚ್ಚಿಗೆದ್ದ ಅಧಿಕಾರಿಗಳು ಆಕೆಯ ಫೋಟೋ ಪ್ರಿಂಟ್ ಆಗಿದ್ದ ಪುಸ್ತಕಗಳನ್ನ ಸೀಜ್ ಮಾಡಿ ತೆಗೆದುಕೊಂಡು ಹೋಗಿದ್ದಾರೆ. ಅಂದ್ಹಾಗೆ ಖೈಬರ್ ಫಖ್ತುಂಖ್ವಾ ಪ್ರಾಂತ್ಯದ ಸ್ವಾಟ್ ಕಣಿವೆಯವರಾದ ಮಲಾಲಾ ಯುಸುಫ್ಝೈ ಅಲ್ಲಿ ಮುಸ್ಲಿಂ ಹೆಣ್ಣುಮಕ್ಕಳ ಹಕ್ಕುಗಳ ಪರವಾಗಿ ಹೋರಾಟ ಮಾಡಿದ್ರು. ಆದ್ರೆ ಇದು ಪಾಕಿಸ್ತಾನಕ್ಕೆ ಸಹಿಸೋಕೆ ಆಗಲಿಲ್ಲ. ಹೀಗಾಗಿ ದೇಶಬಿಟ್ಟು ವಿದೇಶದಲ್ಲಿರೋ ಮಲಾಲಾ. ಇವರಿಗೆ 2014ರಲ್ಲಿ ಅಂದ್ರೆ ತಮ್ಮ 17ನೇ ವಯಸ್ಸಿನಲ್ಲಿ ನೊಬೆಲ್ ಪ್ರಶಸ್ತಿ ಸಿಕ್ಕಿತ್ತು. ಈ ಮೂಲಕ ನೊಬೆಲ್ ಪ್ರಶಸ್ತಿ ಪಡೆದ ಅತಿ ಕಿರಿಯ ವ್ಯಕ್ತಿ ಎನಿಸಿಕೊಂಡಿದ್ರು.
-masthmagaa.com
Contact Us for Advertisement