masthmagaa.com:
ಪ್ರಧಾನಿ ನರೇಂದ್ರ ಮೋದಿಯವರು ಇವತ್ತು ಭಾರತದ ಪ್ರಮುಖ ಕೊರೋನಾ ಲಸಿಕೆಯ ಘಟಕಗಳಿಗೆ ಭೇಟಿ ನೀಡಿ, ಕೊರೋನಾ ಲಸಿಕೆ ಅಭಿವೃದ್ಧಿ ಮತ್ತು ಉತ್ಪಾದನೆಯ ಪ್ರಕ್ರಿಯೆಯ ಪರಿಶೀಲನೆ ನಡೆಸಿದರು. ಅಹ್ಮದಾಬಾದ್ ನ ಜೈಡಸ್ ಬಯೋಟೆಕ್ ಪಾರ್ಕ್, ಹೈದರಾಬಾದ್ನ ಭಾರತ್ ಬಯೋಟೆಕ್ ಕಂಪನಿ ಹಾಗೂ ಪುಣೆಯ ಸೀರಂ ಇನ್ಸಿಟ್ಯೂಟ್ಗೆ ಭೇಟಿ ನೀಡಿ ಅಲ್ಲಿನ ಲಸಿಕಾ ತಜ್ಞರ ಜೊತೆ ಮಾತುಕತೆ ನಡೆಸಿದರು. ಈ ವೇಳೆ ದೇಶವನ್ನ ಕೊರೋನಾ ಮುಕ್ತಗೊಳಿಸುವಲ್ಲಿ ಲಸಿಕಾ ತಯಾರಿಕಾ ಕಂಪನಿಗಳು ನಡೆಸುತ್ತಿರುವ ಪ್ರಯತ್ನಕ್ಕೆ ಅಭಿನಂದನೆ ಸಲ್ಲಿಸಿ, ಲಸಿಕೆ ವಿತರಣೆಗೆ ಮಾಡಿಕೊಂಡಿರೋ ಸಿದ್ಧತೆ, ಅದಕ್ಕಿರುವ ಸವಾಲುಗಳು ಮತ್ತು ಅಗತ್ಯವಿರುವ ರೋಡ್ಮ್ಯಾಪ್ ರೆಡಿ ಮಾಡಿಕೊಳ್ಳುವ ಕುರಿತು ಚರ್ಚೆ ನಡೆಸಿದರು.
ಅಂದ್ಹಾಗೆ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಆಕ್ಸ್ಫರ್ಡ್ ಮತ್ತು ಆಸ್ಟ್ರಾಝೆನೆಕಾ ಜೊತೆಗೆ ಸೇರಿಕೊಂಡು ‘ಕೋವಿಶೀಲ್ಡ್’ ಲಸಿಕೆಯನ್ನ ಉತ್ಪಾದಿಸುತ್ತಿದೆ. ಭಾರತ್ ಬಯೋಟೆಕ್ ಕಂಪನಿ ಐಸಿಎಂಆರ್ ಜೊತೆ ಸೇರಿಕೊಂಡು ‘ಕೋವಾಕ್ಸಿನ್’ ಲಸಿಕೆ ಹಾಗೂ ಝೈಡಸ್ ಕ್ಯಾಡಿಲಾ ಕಂಪನಿ ‘ZyCoV-D’ ಎಂಬ ಲಸಿಕೆ ಅಭಿವೃದ್ಧಿಪಡಿಸುತ್ತಿದೆ.
-masthmagaa.com
Contact Us for Advertisement