masthmagaa.com:
ವಾಟ್ಸಾಪ್ನ ಹೊಸ ಪ್ರೈವಸಿ ಪಾಲಿಸಿ ಬಗ್ಗೆ ವಿವಾದ ಭುಗಿಲೆದ್ದಿರೋ ಬೆನ್ನಲ್ಲೇ ಕೇಂದ್ರ ಸರ್ಕಾರ ವಾಟ್ಸಾಪ್ ರೀತಿಯಲ್ಲಿ ತನ್ನದೇ ಆದ ಮೆಸೇಂಜಿಂಗ್ ಅಪ್ಲಿಕೇಷನ್ ಅನ್ನ ಅಭಿವೃದ್ಧಿಪಡಿಸಿದೆ. ಇದರ ಹೆಸರು ಸಂದೇಶ್ (Sandes) ಅಂತ.. ಕನ್ನಡದಲ್ಲೂ ಸಂದೇಶ ಅಂತಾನೇ ಆಗುತ್ತೆ. ಈ ಅಪ್ಲಿಕೇಶನ್ ಅನ್ನ ನ್ಯಾಷನಲ್ ಇನ್ಫಾರ್ಮೆಟಿಕ್ಸ್ ಸೆಂಟರ್ (NIC) ಅಭಿವೃದ್ಧಿಪಡಿಸಿದೆ. ಇದರ ಕಲರ್ ಕಾಂಬಿನೇಷನ್ ತ್ರಿವರ್ಣ ಧ್ವಜದಂತೆ ಕೇಸರಿ, ಬಿಳಿ, ಹಸಿರು ಬಣ್ಣ ಮತ್ತು ಮಧ್ಯದಲ್ಲಿ ಅಶೋಕ ಚಕ್ರ ಹೊಂದಿದೆ. ಈ ಅಪ್ಲಿಕೇಷನ್ ಅಫೀಷಿಯಲ್ ಆಗಿ ಲಾಂಚ್ ಆಗದಿದ್ರೂ ಆಪಲ್ ಆಪ್ ಸ್ಟೋರ್ನಲ್ಲಿ ಈಗಾಗಲೇ ಡೌನ್ಲೋಡ್ಗೆ ಲಭ್ಯವಿದೆ. ಗೂಗಲ್ ಪ್ಲೇ ಸ್ಟೋರ್ಗೆ ಇನ್ನೂ ಬಂದಿಲ್ಲ. ಆದ್ರೆ ಆಂಡ್ರಾಯ್ಡ್ ಫೋನ್ ಬಳಸೋರು ಈ ಸಂದೇಶ್ ಆಪನ್ನ ಡೌನ್ಲೋಡ್ ಮಾಡಲು ಮತ್ತೊಂದು ದಾರಿ ಇದೆ. https://www.gims.gov.in/dash/dlink ಈ ಲಿಂಕನ್ನ ನಿಮ್ಮ ಮೊಬೈಲ್ನಲ್ಲಿ ಓಪನ್ ಮಾಡಿ ಸಂದೇಶ್ ಅಪ್ಲಿಕೇಶನ್ ಡೌನ್ ಮಾಡಿಕೊಳ್ಳಬಹುದು. ಆಪಲ್ ಆಪ್ ಸ್ಟೋರ್ನಲ್ಲಿ ಸಂದೇಶ್ ಅನ್ನೋ ಸಾಕಷ್ಟು ಅಪ್ಲಿಕೇಷನ್ಗಳು ಇವೆ. ನಿಮಗೆ ಕನ್ಫೂಸ್ ಆಗಬಹುದು. ಹೀಗಾಗಿ NIC – ನ್ಯಾಷನಲ್ ಇನ್ಫಾರ್ಮೆಟಿಕ್ಸ್ ಸೆಂಟರ್ ಡೆವಲಪ್ ಮಾಡಿರೋ ಅಪ್ಲಿಕೇಷನ್ ಅನ್ನ ಡೌನ್ಲೋಡ್ ಮಾಡಿಕೊಳ್ಳಿ. ಡೌನ್ಲೋಡ್ ಆದ ಬಳಿಕ ಆಪ್ ಓಪನ್ ಮಾಡಿ, ಆಗ ನಿಮ್ಮ ಮೊಬೈಲ್ ನಂಬರ್ ಕೇಳುತ್ತೆ. ಅದನ್ನ ಟೈಪ್ ಮಾಡಿ. ನಂತ್ರರ ನಿಮ್ಮ ಮೊಬೈಲ್ಗೆ ಬರುವ ಒಟಿಪಿಯನ್ನ ಎಂಟರ್ ಮಾಡಿ. ಬಳಿಕ ನಿಮ್ಮ ಜೆಂಡರ್ ಸೆಲೆಕ್ಟ್ ಮಾಡಿ. ನಂತ್ರ ಮೊಬೈಲ್ನಲ್ಲಿರೋ ಕಾಂಟ್ಯಾಕ್ಟ್ಸ್ ಸಿಂಕ್ ಆಗುತ್ತೆ. ಆಮೇಲೆ ನಿಮ್ಮ ಫ್ರೆಂಡ್ಸ್ ಯಾರೆಲ್ಲಾ ಸಂದೇಶ್ ಆಪ್ ಯೂಸ್ ಮಾಡ್ತಿದ್ದಾರೋ ಅವರೊಂದಿಗೆ ನೀವು ಚಾಟ್ ಮಾಡೋಕೆ, ಆಡಿಯೋ, ವಿಡಿಯೋ ಕಾಲ್.. ಹೀಗೆ ವಾಟ್ಸಾಪ್ನಲ್ಲಿ ಏನೇನಿದೆಯೋ (ಸ್ಟೇಟಸ್ ಹೊರತುಪಡಿಸಿ) ಎಲ್ಲವನ್ನ ಮಾಡ್ಬೋದು. ಮತ್ತೆ ಇಲ್ಲಿ ಕಳಿಸೋ ಮೆಸೇಜ್ಗಳು ವಾಟ್ಸಾಪ್ನಂತೆ ಎಂಡ್ ಟು ಎಂಡ್ ಎನ್ಕ್ರಿಪ್ಟ್ ಆಗಿರುತ್ತೆ. ಸಂದೇಶ್ ಜೊತೆಗೆ ಕೇಂದ್ರ ಸರ್ಕಾರ ಸಂವಾದ್ ಅನ್ನೋ ಮತ್ತೊಂದು ಆಪ್ ಡೆವಲಪ್ ಮಾಡ್ತಿದೆ. ಇದು ಟ್ವಿಟ್ಟರ್ಗೆ ಪರ್ಯಾಯ ಆಪ್ ಆಗಿ ಹೊರ ಹೊಮ್ಮುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ.
-masthmagaa.com
Contact Us for Advertisement