masthmagaa.com:
ಕೊರೋನಾ ಪರೀಕ್ಷೆಯ ನಿಖರತೆ ಬಗ್ಗೆಗಿನ ಅನುಮಾನ ಮತ್ತಷ್ಟು ಜಾಸ್ತಿಯಾಗ್ತಿದೆ. ಪರೀಕ್ಷೆ ಮಾಡಿಸಿಕೊಂಡ ಬಳಿಕ ಬರುವ ರಿಪೋರ್ಟ್ ಸರಿಯೋ, ತಪ್ಪೋ ಅನ್ನೋ ಅನುಮಾನ ಹೆಚ್ಚಾಗ್ತಿದೆ. ಇತ್ತೀಚೆಗೆ ಸ್ಪೇಸ್ ಎಕ್ಸ್ (SpaceX) ಸಂಸ್ಥಾಪಕ ಮತ್ತು ಟೆಸ್ಲಾ ಕಂಪನಿಯ ಸಿಇಒ ಎಲಾನ್ ಮಸ್ಕ್ಗೆ ಮಾಡಿದ ಕೊರೋನಾ ಪರೀಕ್ಷೆಯಲ್ಲೂ ಇದೇ ರೀತಿ ಆಗಿತ್ತು. ಒಂದೇ ದಿನ 4 ಕೊರೋನಾ ಪರೀಕ್ಷೆ ಮಾಡಿಸಿದ್ರೆ ಎರಡು ಬಾರಿ ಪಾಸಿಟಿವ್, ಎರಡು ಬಾರಿ ನೆಗೆಟಿವ್ ಬಂದಿತ್ತು. ಕೊರೋನಾ ಪರೀಕ್ಷೆಯಲ್ಲೇನೋ ಬೋಗಸ್ ನಡೀತಿದೆ ಅಂತ ಎಲಾನ್ ಮಸ್ಕ್ ಹೇಳಿದ್ದರು. ಇದೀಗ ಅಮೆರಿಕದ ಜಾರ್ಜಿಯಾ ಸೆನೆಟರ್ ಕೆಲ್ಲಿ ಲೋಫ್ಲರ್ ಸರದಿ. ಕೆಲ್ಲಿ ಲೋಫ್ಲರ್ಗೆ ಶುಕ್ರವಾರ ಬೆಳಗ್ಗೆ ಎರಡು ರಾಪಿಡ್ ಕೊರೋನಾ ಪರೀಕ್ಷೆಗಳನ್ನ ನಡೆಸಲಾಯ್ತು. ಅದರಲ್ಲಿ ನೆಗೆಟಿವ್ ಬಂದಿದೆ. ಬಳಿಕ ಅದೇ ದಿನ ಸಂಜೆ ಮತ್ತೊಮ್ಮೆ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ. ಅದರಲ್ಲಿ ಪಾಸಿಟಿವ್ ಬಂದಿದೆ. ಇದರಿಂದ ಗೊಂದಲಕ್ಕೀಡಾದ ಅವರು ಶನಿವಾರ ಮತ್ತೊಮ್ಮೆ ಪರೀಕ್ಷೆ ಮಾಡಿಸಿಕೊಂಡಿದ್ದು ಅದರ ರಿಸಲ್ಟ್ ಕೂಡ ಸರಿಯಾಗಿ ಬಂದಿಲ್ಲ ಅಂತ ಹೇಳಲಾಗ್ತಿದೆ. ಮುಂಜಾಗ್ರತಾ ಕ್ರಮವಾಗಿ ಐಸೋಲೇಷನ್ಗೆ ಒಳಪಟ್ಟಿರುವ ಕೆಲ್ಲಿ ಲೋಫ್ಲರ್ ತಮ್ಮ ಸಂಪರ್ಕಕ್ಕೆ ಬಂದವರು ಟೆಸ್ಟ್ ಮಾಡಿಸಿಕೊಳ್ಳಿ ಅಂತ ಹೇಳಿದ್ದಾರೆ. ಭಾರತದಲ್ಲೂ ರಾಪಿಡ್ ಆ್ಯಂಟಿಜೆನ್ ಪರೀಕ್ಷೆ ವೇಳೆ ಒಂದ್ಸಾರಿ ಪಾಸಿಟಿವ್ ಬಂದ್ರೆ ಮತ್ತೊಂದುಸಾರಿ ನೆಗೆಟಿವ್ ಬಂದ ಹಲವು ಪ್ರಕರಣ ವರದಿಯಾಗಿತ್ತು. ಅಂದ್ಹಾಗೆ ಪರೀಕ್ಷೆಗಳಲ್ಲೇ ಏನಾದ್ರೂ ಕಳ್ಳಾಟ ನಡೆಯುತ್ತಿದೆಯಾ ಅಥವಾ ಕೊರೋನಾ ವೈರಾಣುವೇ ನಮ್ಮ ಊಹೆಗೂ ನಿಲುಕದಂತೆ ವರ್ತಿಸುತ್ತಿದೆಯಾ ಗೊತ್ತಿಲ್ಲ…
-masthmagaa.com
Contact Us for Advertisement