masthmagaa.com:
ಭಾರತದ ನಂಬರ್ ಒನ್ ಶ್ರೀಮಂತ, ಏಷ್ಯಾದ 2ನೇ ಶ್ರೀಮಂತ, ಜಗತ್ತಿನ 10ನೇ ಶ್ರೀಮಂತ, ಉದ್ಯಮಿ ಮುಕೇಶ್ ಅಂಬಾನಿ ಅವರ ಮುಂಬೈ ಮನೆ ಸಮೀಪ ನಿನ್ನೆ ಸ್ಫೋಟಕ ತುಂಬಿದ್ದ ಕಾರೊಂದು ಪತ್ತೆಯಾಗಿತ್ತು. ಅದರಲ್ಲಿ 20 ಜಿಲೆಟಿನ್ ಕಡ್ಡಿಗಳು ಪತ್ತೆಯಾಗಿದ್ದವು, ಬೇರೆ ಬೇರೆ ನಂಬರ್ ಪ್ಲೇಟ್ಗಳು ಸಿಕ್ಕಿದ್ದವು. ಇದೀಗ ಆ ಕಾರಿನ ಒಳಗೆ ಮುಕೇಶ್ ಅಂಬಾನಿ ಮತ್ತು ಅವರ ಪತ್ನಿ ನೀತಾ ಅಂಬಾನಿ ಉಲ್ಲೇಖಿಸಿದ್ದ ಬೆದರಿಕೆ ಪತ್ರ ಸಿಕ್ಕಿದೆ ಅಂತ ವರದಿಯಾಗಿದೆ. ಪತ್ರದಲ್ಲಿ ಓಪನ್ ಥ್ರೆಟ್ ಹಾಕಲಾಗಿದೆ.. ಈ ಕಾರಿನಲ್ಲಿ ಬಿಟ್ಟು ಹೋಗಿರೋ ಜಿಲೆಟಿನ್ ಕಡ್ಡಿಗಳನ್ನ ಅಸೆಂಬಲ್ ಮಾಡಿಲ್ಲ. ಅಂದ್ರೆ ಫಿಕ್ಸ್ ಮಾಡಿಲ್ಲ. ಆದ್ರೆ ನೆಕ್ಸ್ಟ್ ಟೈಂ ಅದನ್ನ ಅಸೆಂಬಲ್ ಮಾಡ್ತೀವಿ ಅಂತ ಬೆದರಿಕೆ ಪತ್ರದಲ್ಲಿ ಬರೆಯಲಾಗಿದೆ. ಇನ್ನೊಂದು ವಿಚಾರ ಅಂದ್ರೆ, ಈ ಪತ್ರದಲ್ಲಿ ಸಾಕಷ್ಟು ಸ್ಪೆಲ್ಲಿಂಗ್ ಮಿಸ್ಟೇಕ್ ಇದಿಯಂತೆ. ಬಹುಶಃ ಪತ್ರ ಬರೆದವರು ಹೆಚ್ಚು ಅಕ್ಷರಸ್ಥರಲ್ಲ ಅಥವಾ ಬೇಕು ಅಂತಾನೇ ಅಕ್ಷರಸ್ಥರಲ್ಲ ಅನ್ನೋದನ್ನ ತೋರಿಸಿಕೊಳ್ಳೋಕೆ ಹೀಗೆ ಮಾಡಿರಬಹುದು ಅಂತ ಪೊಲೀಸರು ಅಂದಾಜು ಮಾಡಿದ್ದಾರೆ. ಸಿಸಿ ಕ್ಯಾಮರಾಗಳಲ್ಲಿ ಸೆರೆಯಾಗಿರೋ ದೃಶ್ಯಗಳ ಪ್ರಕಾರ ಗುರುವಾರ ಬೆಳಗಿನಜಾವ 1 ಗಂಟೆ ಸುಮಾರಿಗೆ ಕಾರು ಬಂದು ನಿಂತಿದೆ. ಆದ್ರೆ ಬೆಳಗಿನಜಾವ 3 ಗಂಟೆಯಾದ್ರೂ ಅದರ ಚಾಲಕ ಹೊರ ಬಂದಿರಲಿಲ್ಲ ಅನ್ನೋದು ಗೊತ್ತಾಗಿದೆ. ಸದ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದು, ಅಂಬಾನಿ ಮನೆಗೆ ಭದ್ರತೆ ಹೆಚ್ಚಿಸಲಾಗಿದೆ.
ದೇಶದಲ್ಲಿ Z+ ಭದ್ರತೆ ಹೊಂದಿರೋ ಏಕೈಕ ಬ್ಯುಸಿನೆಸ್ಮನ್ ಅಂದ್ರೆ ಮುಕೇಶ್ ಅಂಬಾನಿ. ಮುಂಬೈನಲ್ಲಿರೋ ಅವರ ‘ಆ್ಯಂಟಿಲಿಯಾ’ ಮನೆಯನ್ನ ಜಗತ್ತಿನ ಅತಿ ದುಬಾರಿ ಮತ್ತು ಐಷಾರಾಮಿ ಮನೆ ಅಂತಾನೇ ಹೇಳಲಾಗುತ್ತೆ. ಇದರ ಮೌಲ್ಯ 1 ಬಿಲಿಯನ್ ಡಾಲರ್. ಭಾರತದ ರೂಪಾಯಿ ಲೆಕ್ಕದಲ್ಲಿ 7,200 ಕೋಟಿ ರೂಪಾಯಿ. 27 ಅಂತಸ್ತಿನ ಈ ಕಟ್ಟಡದಲ್ಲಿ 3 ಹೆಲಿಪ್ಯಾಡ್, ಹೈ ಸ್ಪೀಡ್ ಎಲಿವೇಟರ್, ಥಿಯೇಟರ್, ಸ್ವಿಮ್ಮಿಂಗ್ ಪೂಲ್, ಸ್ನೋ ರೂಂ, ಬಾಲ್ ರೂಂ.. ಹೀಗೆ ಎಲ್ಲವೂ ಇದೆ. 27 ಅಂತಸ್ತಿನ ಪೈಕಿ ಮೇಲಿನ 6 ಅಂತಸ್ತಿನಲ್ಲಿ ಭಾರತದ ಶ್ರೀಮಂತ ಕುಟುಂಬ ವಾಸಿಸುತ್ತೆ. ಈಗ ಇಂಥ ಮನೆ ಬಳಿಯೇ ಸ್ಫೋಟಕ ತುಂಬಿದ ಕಾರು ಪತ್ತೆಯಾಗಿರೋದು ಆತಂಕ ಸೃಷ್ಟಿಸಿದೆ.
-masthmagaa.com
Contact Us for Advertisement