masthmagaa.com:
ಇನ್ನು ಜಗತ್ತಿನಲ್ಲಿ ಕೊರೋನಾಗೆ ಸಂಬಂಧಿಸಿದಂತೆ ಏನೆಲ್ಲಾ ಬೆಳವಣಿಗೆ ಆಗಿದೆ ಅಂತ ಕ್ವಿಕ್ ಆಗಿ ನೋಡ್ಕೊಂಡ್ ಬರಣ.
– ಅಮೆರಿಕದಲ್ಲಿ ಕೊರೋನಾಗೆ ಒಂದೇ ದಿನ 1,000ಕ್ಕೂ ಹೆಚ್ಚು ಪ್ರಾಣ ಕಳೆದುಕೊಂಡಿದ್ದಾರೆ. ಅಂದ್ರೆ ಪ್ರತಿ ಒಂದು ಗಂಟೆಗೆ 42 ಜನ ಮೃತಪಟ್ಟಿದ್ದಾರೆ ಅಂತ ಅರ್ಥ. ಕಳೆದ ಕೆಲ ತಿಂಗಳಿನಿಂದ ಅಮೆರಿಕದಲ್ಲಿ ಡೆಲ್ಟಾ ರೂಪಾಂತರಿಯ ಹಾವಳಿ ಜೋರಾಗಿದೆ. ನ್ಯೂಯಾರ್ಕ್ ನಗರದಲ್ಲಿ ಜಿಮ್, ಥಿಯೇಟರ್ ಮತ್ತು ರೆಸ್ಟೋರೆಂಟ್ಗೆ ಬರೋರು ಪ್ರೂಫ್ ಆಫ್ ವ್ಯಾಕ್ಸಿನೇಷನ್ ತೋರಿಸೋ ನಿಯಮ ಜಾರಿಗೆ ಬಂದಿದೆ. ಇಂಥಾ ನಿಯಮ ಜಾರಿಗೆ ಬರ್ತಿರೋ ಅಮೆರಿಕದ ಮೊದಲ ನಗರ ಎನಿಸಿಕೊಂಡಿದೆ ನ್ಯೂಯಾರ್ಕ್.
ನ್ಯೂಜಿಲ್ಯಾಂಡ್ನ ಅಕ್ಲ್ಯಾಂಡ್ ನಗರದಲ್ಲಿ ಒಂದು ಕೊರೋನಾ ಕೇಸ್ ಪತ್ತೆಯಾದ ಬೆನ್ನಲ್ಲೇ, ಅದು ಹರಡದಂತೆ ತಡೆಯಲು ಇಡೀ ದೇಶದಲ್ಲಿ ಮೂರು ದಿನಗಳ ಕಾಲ ಲಾಕ್ಡೌನ್ ಹೇರಲಾಗಿದೆ. ಇಂದಿನಿಂದ ಲಾಕ್ಡೌನ್ ಆರಂಭವಾಗಿದ್ದು, ಅಕ್ಲ್ಯಾಂಡ್ನಲ್ಲಿ ಒಂದು ವಾರ ಲಾಕ್ಡೌನ್ ಇರಲಿದೆ. ಈ ಮೂಲಕ ನ್ಯೂಜಿಲ್ಯಾಂಡ್ ಜನ ಆರು ತಿಂಗಳ ಬಳಿಕ ಮತ್ತೆ ಲಾಕ್ಡೌನ್ ಜೀವನಕ್ಕೆ ಎಂಟ್ರಿ ಕೊಟ್ಟಂತಾಗಿದೆ. ಅಕ್ಲ್ಯಾಂಡ್ನಲ್ಲಿ ದೃಢಪಟ್ಟ ಕೇಸ್ ಡೆಲ್ಟಾ ರೂಪಾಂತರಿ ಇರಬಹುದು ಅನ್ನೋ ಭೀತಿ ಶುರುವಾಗಿದೆ. ನಿನ್ನೆ ಒಂದು ಇದ್ದ ಕೇಸ್, ಇವತ್ತು 10ಕ್ಕೆ ಏರಿಕೆಯಾಗಿದೆ.
ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ ರಾಜ್ಯದಲ್ಲಿ ದಾಖಲೆಯ 633 ಜನರಿಗೆ ಸೋಂಕು ದೃಢಪಟ್ಟಿದೆ.
-ಅತ್ತ ಕೊರೋನಾ ಕಂಟ್ರೋಲ್ಗೆ ಜಪಾನ್ ರಾಜಧಾನಿ ಟೋಕಿಯೋ ಮತ್ತು ಉಳಿದ ಪ್ರದೇಶಗಳಲ್ಲಿ ಹೇರಿದ್ದ ತುರ್ತುಪರಿಸ್ಥಿತಿಯನ್ನ ಸೆಪ್ಟೆಂಬರ್ 12ವರೆಗೆ ವಿಸ್ತರಿಸಲಾಗಿದೆ. ಆಗಸ್ಟ್ 24ರಿಂದ ಸೆಪ್ಟೆಂಬರ್ 5ವರೆಗೆ ಟೋಕಿಯೋದಲ್ಲಿ ಪ್ಯಾರಲಂಪಿಕ್ಸ್ ನಡೆಯಲಿದೆ.
– 12ರಿಂದ 17 ವರ್ಷದ ಮಕ್ಕಳಿಗೆ ಮೊಡೆರ್ನಾ ಲಸಿಕೆ ಹಾಕಲು ಯುನೈಟೆಡ್ ಕಿಂಗ್ಡಮ್ ಅನುಮೋದನೆ ಕೊಟ್ಟಿದೆ. ಇತ್ತೀಚೆಗಷ್ಟೇ ಫೈಝರ್ ಲಸಿಕೆಗೂ ಗ್ರೀನ್ ಸಿಗ್ನಲ್ ಕೊಟ್ಟಿತ್ತು ಯುಕೆ- ಚೀನಾದಲ್ಲಿ ಕಳೆದ 24 ಗಂಟೆಗಳಲ್ಲಿ 28 ಕೊರೋನಾ ಕೇಸಸ್ ವರದಿಯಾಗಿದೆ. ಇದರಲ್ಲಿ 22 ಕೇಸ್ ಹೊರದೇಶದಿಂದ ಬಂದಿದ್ದಾಗಿದ್ರೆ, 6 ಸ್ಥಳೀಯ ಕೇಸ್ ಆಗಿದೆ.
-masthmagaa.com
Contact Us for Advertisement