masthmagaa.com:
ಭಾರತದ ಮೊದಲ ಸ್ವದೇಶಿ ಕೊರೋನಾ ಲಸಿಕೆಯಾದ ‘ಕೋವಾಕ್ಸಿನ್’ ಸುರಕ್ಷತೆ ಬಗ್ಗೆ ನಾನಾ ರೀತಿಯ ಚರ್ಚೆ ನಡೀತಿರುವಾಗಲೇ ಪ್ರತಿಷ್ಠಿತ ಲ್ಯಾನ್ಸೆಟ್ ಜರ್ನಲ್ ಕೋವಾಕ್ಸಿನ್ ಸಲಿಕೆ ಸೇಫ್ ಅಂತ ಹೇಳಿದೆ. ಈ ಲಸಿಕೆಯ ಮೊದಲ ಹಂತದ ಮಾನವ ಪ್ರಯೋಗದ ವೇಳೆ ಇದು ಸುರಕ್ಷಿತ ಮತ್ತು ಕೊರೋನಾ ವಿರುದ್ಧ ರೋಗ ನಿರೋಧಕ ಶಕ್ತಿಯನ್ನ ಹೆಚ್ಚಿಸುತ್ತೆ ಅಂತ ಲ್ಯಾನ್ಸೆಟ್ ಜರ್ನಲ್ ವರದಿ ಪ್ರಕಟ ಮಾಡಿದೆ. ಅಲ್ಲದೆ ಎಲ್ಲಾ ಏಜ್ ಗ್ರೂಪ್ನವರಿಗೂ ಈ ಲಸಿಕೆ ಸೇಫ್, ಗಂಭೀರ ಪ್ರಮಾಣದ ಅಡ್ಡ ಪರಿಣಾಮ ಇಲ್ಲ ಅಂತಾನೂ ವರದಿಯಲ್ಲಿ ಹೇಳಿದೆ. ಈ ಮೂಲಕ ಲ್ಯಾನ್ಸೆಟ್ ಜರ್ನಲ್ನಲ್ಲಿ ಅಂಕಿ ಅಂಶ ಪ್ರಕಟವಾದ ಭಾರತದ ಮೊದಲ ಕೊರೋನಾ ಲಸಿಕೆ ಅನ್ನೋ ಕೀರ್ತಿಗೆ ಪಾತ್ರವಾಗಿದೆ ಕೋವಾಕ್ಸಿನ್. ಜೊತೆಗೆ ಟಿ-ಸೆಲ್ ಪ್ರತಿಕ್ರಿಯೆಯನ್ನ ಪ್ರಚೋದಿಸುವ ಮೊದಲ ನಿಷ್ಕ್ರಿಯ (Inactivated) ಕೊರೋನಾ ಲಸಿಕೆ ಕೂಡ ಹೌದು. ಈ ಲಸಿಕೆಯನ್ನ ಹೈದ್ರಾಬಾದ್ ಮೂಲದ ಭಾರತ್ ಬಯೋಟೆಕ್ ಕಂಪನಿಯು ಐಸಿಎಂಆರ್ ಮತ್ತು ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ ಜೊತೆ ಸೇರಿಕೊಂಡು ಅಭಿವೃದ್ಧಿಪಡಿಸಿದೆ. ಅಂದ್ಹಾಗೆ ಕೋವಾಕ್ಸಿನ್ ಲಸಿಕೆಯ ತುರ್ತು ಬಳಕೆಗೆ ಭಾರತದಲ್ಲಿ ಅನುಮೋದನೆ ಕೊಟ್ಟಾಗ ಲಸಿಕೆ ಕುರಿತು ಯಾವುದೇ ಅಂಕಿ ಅಂಶ ಪಬ್ಲಿಕ್ ಡೊಮೈನ್ನಲ್ಲಿ ಇರಲಿಲ್ಲ. ಅಂದ್ರೆ ಸಾರ್ವಜನಕಿವಾಗಿ ಅಂಕಿ ಅಂಶ ಪ್ರಕಟವಾಗಿರಲಿಲ್ಲ. ಹೀಗಾಗಿ ಲಸಿಕೆ ಕುರಿತು ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಚರ್ಚೆ ನಡೆದಿತ್ತು. ವಿಪಕ್ಷಗಳ ಕೋಪಕ್ಕೆ ಕಾರಣವಾಗಿತ್ತು. ಇದೀಗ ಪ್ರತಿಷ್ಠಿತ ಲ್ಯಾನ್ಸೆಟ್ ಜರ್ನಲ್ಲೇ ಕೋವಾಕ್ಸಿನ್ ಲಸಿಕೆ ಸೇಫ್ ಅಂತ ಹೇಳಿರೋದು ಲಸಿಕೆ ಬಗ್ಗೆಗಿನ ಅನುಮಾನ, ಭಯವನ್ನ ದೂರ ಮಾಡಿದೆ.
-masthmagaa.com
Contact Us for Advertisement