masthmagaa.com:
ಪೂರ್ವ ಲಡಾಖ್ನ ವಾಸ್ತವ ನಿಯಂತ್ರಣ ರೇಖೆ (LAC) ಬಳಿ ಭಾರತ-ಚೀನಾ ನಡುವೆ ಮತ್ತೊಂದು ಸುತ್ತಿನ ಸಂಘರ್ಷ ನಡೆದು ಪರಿಸ್ಥಿತಿ ಗಂಭೀರವಾಗಿದೆ. ಆದ್ರೆ ದೂರದ ಅರುಣಾಚಲ ಪ್ರದೇಶದ ಎಲ್ಎಸಿ ಬಳಿ ಇದಕ್ಕೆ ತದ್ವಿರುದ್ಧವಾಗಿರುವ ಘಟನೆಯೊಂದು ನಡೆದಿದೆ.
ಅರುಣಾಚಲ ಪ್ರದೇಶದ ಪೂರ್ವ ಕಾಮೆಂಗ್ ಪ್ರದೇಶದಲ್ಲಿ ಆಗಸ್ಟ್ 31ರಂದು ಚೀನಾದಿಂದ 13 ಯಾಕ್ ಮತ್ತು ಅದರ ಕರುಗಳು ಎಲ್ಎಸಿ ದಾಟಿ ಭಾರತಕ್ಕೆ ಬಂದಿದ್ದವು. ಅಂದಿನಿಂದ ಸೆಪ್ಟೆಂಬರ್ 7ರವರೆಗೆ ಅವುಗಳು ಭಾರತದ ನೆಲದಲ್ಲೇ ಇದ್ದವು.
ಇದನ್ನ ಮನಗಂಡ ಭಾರತೀಯ ಸೇನೆ ಆ 13 ಯಾಕ್ ಮತ್ತು ಅದರ ಕರುಗಳನ್ನು ಚೀನಾಗೆ ಹಸ್ತಾಂತರಿಸುವ ಮೂಲಕ ಮಾನವೀಯತೆ ಮೆರೆದಿದೆ. ಇದಕ್ಕೆ ಚೀನಾ ಸೇನಾಧಿಕಾರಿಗಳು ಧನ್ಯವಾದ ಕೂಡ ಸೂಚಿಸಿದ್ದಾರೆ ಅಂತ ಭಾರತೀಯ ಸೇನೆ ಹೇಳಿದೆ.
-masthmagaa.com
Contact Us for Advertisement