masthmagaa.com:
ಇಡೀ ಜಗತ್ತು ಕೊರೋನಾ ವಿರುದ್ಧ ಹೋರಾಡುತ್ತಿದ್ರೆ, ಮಹಾಮಾರಿ ಮೊದಲು ಕಾಣಿಸಿಕೊಂಡ ಚೀನಾದ ವುಹಾನ್ ನಗರ ಕಾಯಿಲೆಯಿಂದ ಮುಕ್ತವಾಗಿದೆ ಅಂತ ಚೀನಾ ಸರ್ಕಾರ ಹೇಳಿದೆ. ಈ ಬಗ್ಗೆ ಮಾತನಾಡಿರೋ ಚೀನಾದ ನ್ಯಾಷನಲ್ ಹೆಲ್ತ್ ಕಮಿಷನ್ ವಕ್ತಾರ ಮಿ ಫೆಂಗ್, ವುಹಾನ್ ನಗರದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದವರು ಡಿಸ್ಚಾರ್ಜ್ ಆಗಿದ್ದಾರೆ. ಸೋಂಕಿತರ ಸಂಖ್ಯೆ ಶೂನ್ಯಕ್ಕೆ ಇಳಿದಿದೆ. ಈ ಹೋರಾಟದಲ್ಲಿ ಭಾಗಿಯಾದ ವುಹಾನ್ ಹಾಗೂ ಚೀನಾದ ಎಲ್ಲಾ ವೈದ್ಯರಿಗೂ ಧನ್ಯವಾದ ಅಂತ ಹೇಳಿದ್ದಾರೆ.
ಚೀನಾದ ಹುಬೆ ಪ್ರಾಂತ್ಯದ ವುಹಾನ್ ನಗರದಲ್ಲಿ 2019ರ ಡಿಸೆಂಬರ್ನಲ್ಲಿ ಮೊದಲ ಪ್ರಕರಣ ದೃಢಪಟ್ಟಿತ್ತು. ಅದಾದ ಬಳಿಕ ವುಹಾನ್ನಲ್ಲಿ ಒಟ್ಟು 46,452 ಜನರಿಗೆ ಸೋಂಕು ತಗುಲಿತ್ತು. ಇದು ಚೀನಾದಲ್ಲಿ ದೃಢಪಟ್ಟ ಪ್ರಕರಣಗಳ ಶೇ. 56ಕ್ಕೂ ಹೆಚ್ಚು. ಈ ಪೈಕಿ 3,869 ಮಂದಿ ವುಹಾನ್ನಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ. ಚೀನಾದಲ್ಲಿ ಸಂಭವಿಸಿದ ಒಟ್ಟು ಸಾವುಗಳಲ್ಲಿ 84 ಪರ್ಸೆಂಟ್ ಜನ ವುಹಾನ್ನಲ್ಲೇ ಬಲಿಯಾಗಿದ್ದಾರೆ.
-masthmagaa.com
Contact Us for Advertisement