masthmagaa.com:
ಭಾರತದಿಂದ ಚೀನಾಗೆ ರಫ್ತು ಮಾಡಿದ ಮೀನಿನ ಪ್ಯಾಕೇಟಿನಲ್ಲಿ ಕೊರೋನಾ ವೈರಸ್ ಪತ್ತೆಯಾದ ಹಿನ್ನೆಲೆ ಭಾರತದ ಕಂಪನಿಯಿಂದ ಮೀನು ಮತ್ತು ಇತರ ಸಮುದ್ರ ಆಹಾರಗಳನ್ನ ಆಮದು ಮಾಡಿಕೊಳ್ಳುವುದನ್ನ ಚೀನಾ ಸ್ಥಗಿತಗೊಳಿಸಿದೆ. ಅಂದ್ಹಾಗೆ ಕೋಲ್ಕತ್ತಾದ ಬಸು ಇಂಟರ್ನ್ಯಾಷನಲ್ ಎಂಬ ರಫ್ತು ಕಂಪನಿ ಚೀನಾಗೆ ಮೀನನ್ನು ಕಳಿಸಿತ್ತು. ಹೀಗೆ ಬಂದ 3 ಮೀನಿನ ಪ್ಯಾಕೆಟ್ನಲ್ಲಿ ಕೊರೋನಾ ವೈರಸ್ ಇರುವುದು ದೃಢಪಟ್ಟಿದೆ. ಹೀಗಾಗಿ ಈ ಕಂಪನಿಯಿಂದ ಮೀನನ್ನು ಆಮದು ಮಾಡಿಕೊಳ್ಳುವುದನ್ನ ಒಂದು ವಾರ ಕಾಲ ಸ್ಥಗಿತ ಮಾಡಲಾಗಿದೆ ಅಂತ ಚೀನಾ ಘೋಷಿಸಿದೆ.
ಚೀನಾದಲ್ಲಿ ಇಂತಹ ಪ್ರಕರಣಗಳು ವರದಿಯಾಗಿರೋದು ಇದೇ ಮೊದಲಲ್ಲ. ಇತ್ತೀಚೆಗೆ ಇಂಡೋನೇಷ್ಯಾದಿಂದ ಆಮದು ಮಾಡಿಕೊಂಡ ಮೀನಿನ ಪ್ಯಾಕೆಟ್ನಲ್ಲೂ ಕೊರೋನಾ ವೈರಸ್ ಕಾಣಿಸಿಕೊಂಡಿತ್ತು. ಬಳಿಕ ಅಲ್ಲಿಂದಲೂ ಮೀನಿನ ಆಮದನ್ನ ಚೀನಾ ಬಂದ್ ಮಾಡಿತ್ತು. ಅಂದ್ಹಾಗೆ ಆಹಾರದ ಪ್ಯಾಕೇಜಿಂಗ್ನಿಂದ ಕೊರೋನಾ ಸೋಂಕು ಹರಡುವುದಿಲ್ಲ ಅಂತ ಈ ಹಿಂದೆ ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಆದ್ರೆ ಚೀನಾ ಮಾತ್ರ ವಿದೇಶದಿಂದ ಆಮದು ಮಾಡಿಕೊಂಡ ಮೀನಿನ ಪ್ಯಾಕೆಟ್ನಲ್ಲಿ ಕೊರೋನಾ ಇದೆ ಅಂತ ಪದೇಪದೆ ಹೇಳ್ತಿದೆ. ಬೇರೆ ದೇಶಗಳಲ್ಲಿ ಕಾಣದ ವೈರಸ್ ಚೀನಾದಲ್ಲಿ ಹೇಗೆ ಪತ್ತೆಯಾಗ್ತಿದೆ..? ನಿಜವಾಗಲೂ ವೈರಸ್ ಪತ್ತೆಯಾಗ್ತಿದೆಯಾ..? ಕೊರೋನಾ ಹರಡದಂತೆ ತಡೆಯಲು ಚೀನಿಯರು ಇಷ್ಟೆಲ್ಲಾ ಮುಂಜಾಗ್ರತೆ ವಹಿಸಿದ್ದಾರಾ..? ಆಹಾರದ ಪ್ಯಾಕೆಟ್ಗಳ ಮೂಲಕವೂ ಸೋಂಕು ಹರಡುತ್ತಾ..? ಹಾಗಿದ್ರೆ ಉಳಿದ ದೇಶಗಳ ಕಥೆ ಏನು..? ಎಲ್ಲಾ ದೇಶಗಳಲ್ಲೂ ಆಮದು ಮಾಡಿಕೊಂಡ ವಸ್ತುಗಳನ್ನ ಪರೀಕ್ಷಿಸುವ ಅನಿವಾರ್ಯತೆ ಇದೆಯಾ..? ಅನ್ನೋ ಹಲವು ಪ್ರಶ್ನೆಗಳು ಮೂಡುತ್ತವೆ. ಈ ಬಗ್ಗೆ ಮತ್ತಷ್ಟು ಸಂಶೋಧನೆ ನಡೆಯಬೇಕು. ಜೊತೆಗೆ ವಿಶ್ವ ಆರೋಗ್ಯ ಸಂಸ್ಥೆ ಕೂಡ ತನ್ನ ಹೇಳಿಕೆಯನ್ನ ಮರು ಪರಿಶೀಲಿಸಿ ಜನರ ಗೊಂದಲವನ್ನ ಬಗೆಹರಿಸಬೇಕು.
-masthmagaa.com
Contact Us for Advertisement