masthmagaa.com:
ಭಾರತ-ಚೀನಾ ನಡುವೆ ಪೂರ್ವ ಲಡಾಖ್ನಲ್ಲಿ ಸಂಘರ್ಷದ ವಾತಾವರಣ ನಿರ್ಮಾಣವಾಗಿರುವ ಬೆನ್ನಲ್ಲೇ ಉಭಯ ದೇಶಗಳು ಗಡಿಯಲ್ಲಿ ಸೇನಾ ಜಮಾವಣೆ ಹೆಚ್ಚಿಸಿವೆ. ಇದರ ನಡುವೆಯೇ ಶೀಘ್ರದಲ್ಲೇ ಭಾರತೀಯ ಸೇನೆಗೆ ಎರಡು ದಿಬ್ಬದ ಒಂಟೆಗಳು ಸೇರ್ಪಡೆಯಾಗಲಿವೆ. ಇವು ಭಾರತ ಚೀನಾ ಗಡಿಯಲ್ಲಿ ಗಸ್ತು ತಿರುಗಲು ಭಾರತೀಯ ಸೇನೆಗೆ ನೆರವಾಗಲಿವೆ.
ಈ ಸಂಬಂಧ ಪೂರ್ವ ಲಡಾಖ್ ಪ್ರದೇಶದಲ್ಲಿ ಡಿಆರ್ಡಿಒ ವಿಜ್ಞಾನಿಗಳು ಅಧ್ಯಯನ ನಡೆಸಿದ್ದಾರೆ. ಈ ವೇಳೆ ಎರಡು ದಿಬ್ಬದ ಒಂಟೆಗಳು 17,000 ಅಡಿ ಎತ್ತರದ ಪ್ರದೇಶಗಳಲ್ಲಿ 170 ಕೆ.ಜಿ.ಯಷ್ಟು ಸರಕು ಸರಂಜಾಮುಗಳನ್ನು ಹೊತ್ತು ಸಾಗುವ ಸಾಮರ್ಥ್ಯ ಹೊಂದಿವೆ ಅನ್ನೋದು ಗೊತ್ತಾಗಿದೆ. ಹೀಗೆ ಸತತ 12 ಕಿ.ಮೀ.ವರೆಗೆ ಭಾರತ-ಚೀನಾ ಗಡಿಯಲ್ಲಿ ಗಸ್ತು ತಿರುಗಲಿವೆ ಅಂತ ಡಿಆರ್ಡಿಒ ವಿಜ್ಞಾನಿಗಳು ಹೇಳಿದ್ದಾರೆ.
ಈ ಡಬಲ್ ಹಂಪ್ ಒಂಟೆಗಳು ಲಡಾಖ್ ಭಾಗದಲ್ಲಿ ಕಂಡುಬರುವ ಪ್ರಾಣಿಯಾಗಿದೆ. ಇವುಗಳನ್ನು ರಾಜಸ್ಥಾನದಿಂದ ತಂದಿದ್ದ ಸಿಂಗಲ್ ಹಂಪ್ ಒಂಟೆಗಳ ಜೊತೆಗೂ ಹೋಲಿಸಿ ನೋಡಲಾಗಿದೆ. ಈ ವೇಳೆ ಎರಡು ದಿಬ್ಬವಿರುವ ಒಂಟೆಗಳು ಆಹಾರ ಮತ್ತು ನೀರಿಲ್ಲದೆ ಮೂರು ದಿನಗಳ ಕಾಲ ಬದುಕಬಲ್ಲವು ಅನ್ನೋದು ಗೊತ್ತಾಗಿದೆ.
-masthmagaa.com
Contact Us for Advertisement