masthmagaa.com:
ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಯನ್ನ ಐಸಿಸಿ ಒಂಡೇ ಕ್ರಿಕೆಟರ್ ಆಫ್ ದಿ ಡಿಕೇಡ್ (ದಶಕದ ಒಂಡೇ ಕ್ರಿಕೆಟಿಗ) ಅಂತ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ ಹೆಸರಿಸಿದೆ. ಪ್ರಶಸ್ತಿ ಅವಧಿಯಲ್ಲಿ ಏಕದಿನ ಕ್ರಿಕೆಟ್ನಲ್ಲಿ 10,000 ರನ್ ಪೂರೈಸಿದ ಏಕೈಕ ಆಟಗಾರ ಅಂತಾನೂ ಐಸಿಸಿ ತಿಳಿಸಿದೆ. ಇದರ ಜೊತೆಗೆ ‘ಸರ್ ಗಾರ್ಫೀಲ್ಡ್ ಸೋಬರ್ಸ್ ಅವಾರ್ಡ್ ಫಾರ್ ಐಸಿಸಿ ಮೇಲ್ ಕ್ರಿಕೆಟರ್ ಆಫ್ ದಿ ಡಿಕೇಡ್’ ಪ್ರಶಸ್ತಿಯನ್ನ ವಿರಾಟ್ ಕೊಹ್ಲಿಯೇ ಗೆದ್ದುಕೊಂಡಿದ್ದಾರೆ. ಟೀಂ ಇಂಡಿಯಾ ಮಾಜಿ ನಾಯಕ ಎಂ.ಎಸ್. ಧೋನಿಗೆ ‘ಐಸಿಸಿ ಸ್ಪಿರಿಟ್ ಆಫ್ ಕ್ರಿಕೆಟ್ ಆಫ್ ದಿ ಡಿಕೇಡ್’ ಪ್ರಶಸ್ತಿ ಸಿಕ್ಕಿದೆ. 2011ರ ನಾಟಿಂಗಮ್ ಟೆಸ್ಟ್ನಲ್ಲಿ ಇಂಗ್ಲೆಂಡ್ ಬ್ಯಾಟ್ಸ್ಮನ್ ಇಯಾನ್ ಬೆಲ್ ಬಾಲ್ ಡೆಡ್ ಆಗೋಕೂ ಮುಂಚೆಯೇ ಕ್ರೀಸ್ ಬಿಟ್ಟು ಹೋಗಿ ಔಟಾಗಿದ್ರು. ಬಳಿಕ ಇಂಗ್ಲೆಂಡ್ ತಂಡದ ನಾಯಕ ಮತ್ತು ಕೋಚ್ ಬಂದು ರನೌಟ್ ಡಿಸಿಷನ್ ಬದಲಾಯಿಸಬಹುದಾ ಅಂತ ಧೋನಿ ಬಳಿ ಕೇಳಿದ್ರು. ಇದಕ್ಕೆ ಪ್ರವಾಸಿ ಭಾರತ ತಂಡ ಒಪ್ಪಿಕೊಂಡಿತ್ತು. ಇದಕ್ಕಾಗಿ ಧೋನಿಗೆ ಈ ಪ್ರಶಸ್ತಿ ಸಿಕ್ಕಿದೆ. ಇನ್ನುಳಿದಂತೆ ಆಫ್ಘನಿಸ್ತಾನದ ರಶೀದ್ ಖಾನ್ ಐಸಿಸಿ ಟಿ-20 ಕ್ರಿಕೆಟರ್ ಆಫ್ ದಿ ಡಿಕೇಡ್ ಪ್ರಶಸ್ತಿ ಗೆದ್ರೆ, ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಐಸಿಸಿ ಟೆಸ್ಟ್ ಕ್ರಿಕೆಟರ್ ಆಫ್ ದಿ ಡಿಕೇಡ್ ಪ್ರಶಸ್ತಿಯನ್ನ ಬಾಚಿಕೊಂಡಿದ್ದಾರೆ. ಮಹಿಳೆಯರ ವಿಭಾಗದಲ್ಲಿ ಆಸ್ಟ್ರೇಲಿಯಾದ ಎಲೀಸ್ ಪೆರ್ರಿಗೆ ಒಂಡೇ ಮತ್ತು ಟಿ-20 ಕ್ರಿಕೆಟರ್ ಆಫ್ ಡಿಕೇಡ್ ಪ್ರಶಸ್ತಿ ಸಿಕ್ಕಿದೆ.
-masthmagaa.com
Contact Us for Advertisement