masthmagaa.com:
ವುಹಾನ್ನಲ್ಲಿ ಹುಟ್ಟಿದ ಕೊರೋನಾ ವೈರಸ್ ಇಡೀ ವಿಶ್ವದಲ್ಲಿ ಸಾವಿರಾರು ತಳಿಗಳಲ್ಲಿ ಬದಲಾಗಿ, ಕಾಟ ಕೊಡ್ತಾ ಇದೆ. ಅವುಗಳಲ್ಲಿ ಹಲವು ಥಳಿಗಳು ಮಾರಕವೂ ಆಗಿವೆ.. ಈ ನಡುವೆ ಭಾರತವೊಂದರಲ್ಲೇ ಕೊರೋನಾ ಈವರೆಗೆ 7569 ಬಾರಿ ರೂಪಾಂತರಗೊಂಡಿದೆ ಅಂತ ಅಧ್ಯಯನವೊಂದರಿಂದ ತಿಳಿದು ಬಂದಿದೆ. ಸಿಸಿಎಂಬಿ ಸೆಂಟರ್ ಫರ್ ಸೆಲ್ಯೂಲರ್ & ಮಲೆಕ್ಯೂಲರ್ ಬಯಾಲಜಿಯ ವಿಜ್ಞಾನಿಗಳ ಗುಂಪು ಈ ಅಧ್ಯಯನ ನಡೆಸಿದ್ದು, ಈಗಾಗಲೇ 5 ಸಾವಿರ ಥಳಿಗಳ ವಿಕಸನದ ಕುರಿತು ವಿಶ್ಲೇಷಣೆ ನೀಡಿದ್ದಾರೆ.
ಆದ್ರೆ ಭಾರತದಲ್ಲಿ ಪತ್ತೆಯಾದ ವಿವಿಧ ಥಳಿಗಳು ಕಡಿಮೆ ಹರಡುವಿಕೆಯ ಸಾಮರ್ಥ್ಯವನ್ನು ಹೊಂದಿದ್ದು, ಬೇರೆ ದೇಶಗಳನ್ನು ಕಾಡುತ್ತಿರುವ ಹೊಸ ಥಳಿಗಳಂತೆ ಮಾರಕವಾಗಿಲ್ಲ ಅಂತ ಕೂಡ ತಜ್ಞರು ಮಾಹಿತಿ ನೀಡಿದ್ದಾರೆ. ಮತ್ತೊಂದ್ಕಡೆ ದೇಶದ 5 ರಾಜ್ಯಗಳಲ್ಲಿ ಮತ್ತೆ ಕೊರೋನ ಹರಡುತ್ತಿದೆ… ಮಹಾರಾಷ್ಟ್ರ, ಕೇರಳ, ಪಂಜಾಬ್, ಛತ್ತೀಸ್ಗಢ ಮತ್ತು ಮಧ್ಯಪ್ರದೇಶದಲ್ಲಿ ಕೊರೋನಾ ಮತ್ತೆ ತೀವ್ರಗತಿಯಲ್ಲಿ ಹೆಚ್ಚುತ್ತಿದೆ ಅಂತ ಕೇಂದ್ರ ಸರ್ಕಾರ ತಿಳಿಸಿದೆ. ಮಹಾರಾಷ್ಟ್ರದಲ್ಲಿ ಅತಿವೇಗವಾಗಿ ಕೊರೋನಾ ಪ್ರಕರಣಗಳ ಸಂಖ್ಯೆ ಏರಿಕೆಯಾಗ್ತಿದ್ದು, ಕಳೆದ 24 ಗಂಟೆಗಳಲ್ಲಿ 6,112 ಮಂದಿಗೆ ಕೊರೋನಾ ತಗುಲಿದೆ.
-masthmagaa.com
Contact Us for Advertisement