masthmagaa.com:
ಇತ್ತೀಚೆಗೆ ನಡೆದ ಇಸ್ರೇಲ್- ಪ್ಯಾಲೆಸ್ತೇನ್ ಸಂಘರ್ಷದ ವೇಳೆ ಈಸ್ಟ್ ಜೆರುಸಲೆಂ ಸೇರಿದಂತೆ ಆಕ್ರಮಿತ ಪ್ಯಾಲೆಸ್ತೇನ್ನಲ್ಲಿ ಮಾನವ ಹಕ್ಕು ಉಲ್ಲಂಘನೆಯಾಗಿದೆಯಾ ಅನ್ನೋ ಬಗ್ಗೆ ತನಿಖೆ ನಡೆಸಲು ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿ ನಿರ್ಧರಿಸಿದೆ. ಅದಕ್ಕಾಗಿ ನಿರ್ಣಯ ಮಂಡಿಸಿದ್ದು, ಅದರ ಮತದಾನದ ವೇಳೆ ಭಾರತ ಗೈರಾಗಿದೆ. ಭಾರತ ಮಾತ್ರವಲ್ಲ.. ಫ್ರಾನ್ಸ್, ನೇಪಾಳ, ಇಟಲಿ, ಜಪಾನ್ ಕೂಡ ಈ ವೋಟಿಂಗ್ನಲ್ಲಿ ಗೈರಾಗಿವೆ. ಆದ್ರೂ ಕೂಡ ಈ ನಿರ್ಣಯಕ್ಕೆ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯ 47 ಸದಸ್ಯ ರಾಷ್ಟ್ರಗಳ ಪೈಕಿ ಪಾಕಿಸ್ತಾನ, ಬಾಂಗ್ಲಾದೇಶ, ಚೀನಾ ಸೇರಿದಂತೆ 24 ರಾಷ್ಟ್ರಗಳು ನಿರ್ಣಯಕ್ಕೆ ಬೆಂಬಲಿಸಿ ಮತ ಹಾಕಿವೆ. 9 ರಾಷ್ಟ್ರಗಳು ವಿರೋಧ ವ್ಯಕ್ತಪಡಿಸಿದ್ದು, ಭಾರತ ಸೇರಿದಂತೆ 14 ರಾಷ್ಟ್ರಗಳು ಗೈರಾಗಿದ್ವು. ಅಂದಹಾಗೆ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯ ಈ ತನಿಖೆಗೆ ಇಸ್ರೇಲ್ ವಿರೋಧ ವ್ಯಕ್ತಪಡಿಸಿದ್ದು, ತಾನು ತನಿಖೆಗೆ ಸಹಕರಿಸೋದಿಲ್ಲ ಅಂತ ಹೇಳಿದೆ. ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತಾಹ್ಯಹು ಅಂತೂ ಇದು ವಿಶ್ವಸಂಸ್ಥೆ ಮಾನವಹಕ್ಕು ಮಂಡಳಿಯ ನಾಚಿಕೆಗೇಡಿನ ನಿಧಾರವಾಗಿದ್ದು, ಇಸ್ರೇಲ್ ವಿರೋಧಿ ನಿಲುವಿನ ಮತ್ತೊಂದು ಉದಾಹರಣೆ ಅಂತ ಹೇಳಿದ್ದಾರೆ. ಅತ್ತ ಪ್ಯಾಲೆಸ್ತೇನ್ ತನಿಖೆಯನ್ನು ಸ್ವಾಗತಿಸಿದೆ.
-masthmagaa.com
Contact Us for Advertisement