masthmagaa.com:
ರಷ್ಯಾದ ಮಾಸ್ಕೋದಲ್ಲಿ ನಡೆಯಲಿರೋ ಅಫ್ಘಾನಿಸ್ತಾನದ ಕುರಿತ ಮಾತುಕತೆಯಲ್ಲಿ ಭಾಗಿಯಾಗಲು ಭಾರತ ನಿರ್ಧರಿಸಿದೆ. ರಷ್ಯಾ ನೀಡಿದ್ದ ಆಮಂತ್ರಣಕ್ಕೆ ಸಮ್ಮತಿ ನೀಡಿದೆ. ಅಕ್ಟೋಬರ್ 20ರಂದು ಈ ಸಭೆ ನಡೆಯಲಿದೆ. ತಾಲಿಬಾನಿಗಳಿಗೂ ಈ ಸಭೆಯಲ್ಲಿ ಭಾಗಿಯಾಗಲು ಆಹ್ವಾನ ನೀಡಲಾಗಿದೆ. ಅಂದ್ರೆ ಈ ಸಭೆಯಲ್ಲಿ ಭಾರತ ಮತ್ತು ತಾಲಿಬಾನಿಗಳು ಮುಖಾಮುಖಿಯಾಗಲಿದ್ದಾರೆ. ಈ ಸಭೆಯಲ್ಲಿ ಭಾಗಿಯಾಗೋ ಬಗ್ಗೆ ವಿದೇಶಾಂಗ ಇಲಾಖೆ ವಕ್ತಾರ ಅರಿಂದಮ್ ಬಗ್ಚಿ ಮಾಹಿತಿ ನೀಡಿದ್ದಾರೆ. ಆಗಸ್ಟ್ 31ರಂದು ಕತಾರ್ ರಾಜಧಾನಿ ದೋಹಾದಲ್ಲಿ ಭಾರತ ತಾಲಿಬಾನಿಗಳ ಜೊತೆಗೆ ಅನೌಪಚಾರಿಕವಾಗಿ ಮಾತುಕತೆ ನಡೆಸಿತ್ತು. ಅದಾದ ಬಳಿಕ ಇದೇ ಮೊದಲ ಬಾರಿಗೆ ತಾಲಿಬಾನಿಗಳ ಜೊತೆ ಮುಖಾಮುಖಿ ಭೇಟಿಯಾಗ್ತಿದೆ. ಚೀನಾ, ಪಾಕಿಸ್ತಾನ, ಇರಾನ್ ಕೂಡ ಈ ಸಭೆಯಲ್ಲಿ ಭಾಗಿಯಾಗ್ತಿವೆ.
-masthmagaa.com
Contact Us for Advertisement