masthmagaa.com:
ಕೊರೋನಾ ವೈರಸ್ಗೆ ಸಂಬಂಧಿಸಿದಂತೆ ಒಂದು ಗುಡ್ ನ್ಯೂಸ್. ಈ ವೈರಾಣುವಿಗೆ ಅಮೆರಿಕದ ಮೊಡೆರ್ನಾ ಕಂಪನಿ ಅಭಿವೃದ್ಧಿಪಡಿಸಿರುವ ಲಸಿಕೆ ಮೂರನೇ ಹಂತದ ಮಾನವ ಪ್ರಯೋಗದ ವೇಳೆ 94.5% ಪರಿಣಾಮಕಾರಿ ಅನ್ನೋದು ಗೊತ್ತಾಗಿದೆ ಅಂತ ಕಂಪನಿ ಘೋಷಿಸಿದೆ. ಅಂದ್ರೆ ಕೊರೋನಾದಿಂದ ಈ ಲಸಿಕೆ 94.5%ನಷ್ಟು ರಕ್ಷಣೆ ನೀಡುತ್ತೆ ಅಂತ ಅರ್ಥ. ಇತ್ತೀಚೆಗೆ ಅಮೆರಿಕದ ಫೈಝರ್ (Pfizer) ಮತ್ತು ಬಯೋಎನ್ಟೆಕ್ (BioNTech) ಕಂಪನಿ ಅಭಿವೃದ್ಧಿಪಡಿಸಿದ ಲಸಿಕೆ 90% ಪರಿಣಾಮಕಾರಿ ಅಂತ ಹೇಳಿತ್ತು. ಅದಾದ ಬಳಿಕ ರಷ್ಯಾದ ‘ಸ್ಪುಟ್ನಿಕ್-V’ ಲಸಿಕೆ 92% ಪರಿಣಾಮಕಾರಿ ಅಂತ ಹೇಳಿತ್ತು. ಇದೀಗ ಮೊಡೆರ್ನಾ ಕಂಪನಿ ಅದಕ್ಕಿಂತ ಸ್ವಲ್ಪ ಜಾಸ್ತಿ ಅಂದ್ರೆ 94.5% ಪರಿಣಾಮಕಾರಿ ಅಂತ ಘೋಷಿಸಿಕೊಂಡಿದೆ.
ಫೈಝರ್ ಲಸಿಕೆಗಿಂತ ಮೊಡೆರ್ನಾ ಲಸಿಕೆಯ ನಿರ್ವಹಣೆ ಸುಲಭ. ಯಾಕಂದ್ರೆ ಫೈಝರ್ ಲಸಿಕೆಯನ್ನ ಮೈನಸ್ 70ರಿಂದ 80 ಡಿಗ್ರಿ ಸೆಲ್ಸಿಯಸ್ನಲ್ಲಿ ಇಡಬೇಕು. ಇದು ತುಂಬಾ ಕಷ್ಟದ ಕೆಲಸ. ಬಡ ದೇಶಗಳಿಗೆ ಈ ಲಸಿಕೆಯ ನಿರ್ವಹಣೆ ಕಷ್ಟಸಾಧ್ಯ. ಆದ್ರೆ ಮೊಡೆರ್ನಾ ಲಸಿಕೆಯನ್ನ 2ರಿಂದ 8 ಡಿಗ್ರಿ ಸೆಲ್ಸಿಯಸ್ ತಾಪಮಾನದಲ್ಲಿ ಸುಮಾರು 30 ದಿನಗಳವರೆಗೆ ಶೇಖರಿಸಿಡಬಹುದು. ದೀರ್ಘಾವಧಿವರೆಗೆ ಇಡಬೇಕು ಅಂದ್ರೆ ಮೈನಸ್ 20 ಡಿಗ್ರಿ ಸೆಲ್ಸಿಯಸ್ನಲ್ಲಿ 6 ತಿಂಗಳವರೆಗೆ ಇಡಬಹುದು ಅಂತ ಕಂಪನಿ ಹೇಳಿದೆ.
ಆದ್ರೆ ಮೊಡೆರ್ನಾ ಲಸಿಕೆಯ ಎರಡು ಡೋಸ್ನ ಕೋರ್ಸ್ಗೆ 3,700ರಿಂದ 4,500 ರೂಪಾಯಿ ನಿಗದಿಪಡಿಸಲಾಗಿದೆ. ಅಷ್ಟು ದುಬಾರಿ. ಆಸ್ಟ್ರಾಝೆನೆಕಾ ಮತ್ತು ಆಕ್ಸ್ಫರ್ಡ್ ಯುನಿವರ್ಸಿಟಿ ಅಭಿವೃದ್ಧಿಪಡಿಸಿರುವ ಲಸಿಕೆಯ ಒಂದು ಡೋಸ್ಗೆ ಕೇವಲ 300 ರೂಪಾಯಿ. ಫೈಝರ್ ಲಸಿಕೆಯ ಎರಡು ಡೋಸ್ನ ಕೋರ್ಸ್ಗೆ 3,000 ರೂಪಾಯಿ ನಿಗದಿ ಮಾಡಿದೆ. ಫೈಝರ್ ಕಂಪನಿಯ 4 ಕೋಟಿ ಡೋಸ್ಗಳಿಗೆ ಬ್ರಿಟನ್ ಆರ್ಡರ್ ಕೊಟ್ಟಿದೆ.
-masthmagaa.com
Contact Us for Advertisement