masthmagaa.com:
ಅಮೆರಿಕ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಲ್ಲಿ ಸಾವಿರಾರು ಕೋಟಿ ರೂಪಾಯಿ ಸಾಲ ಮಾಡಿ, ಉದ್ದುದ್ದ ನಾಮ ತಿಕ್ಕಿ ವಿದೇಶಕ್ಕೆ ಓಡಿ ಹೋದ ನೀರವ್ ಮೋದಿ ನಿಮಗೆಲ್ಲಾ ಗೊತ್ತೇ ಇದೆ. ಈಗ ಆತನ ಸಹೋದರ ನೇಹಲ್ ಮೋದಿ ಕೂಡ ಮೋಸ ಮಾಡಿ ಸಿಕ್ಕಿಬಿದ್ದಿದ್ದಾನೆ. 2.6 ಮಿಲಿಯನ್ ಡಾಲರ್ ಅಂದ್ರೆ 19 ಕೋಟಿ ರೂಪಾಯಿ ಮೊತ್ತದ ವಜ್ರ ಕಳ್ಳತನದ ಆರೋಪ ಕೇಳಿ ಬಂದಿದೆ. ಅಮೆರಿಕದ ಮ್ಯಾನ್ಹಟನ್ ಮೂಲದ ವಿಶ್ವದ ಅತಿದೊಡ್ಡ ವಜ್ರ ಕಂಪನಿಗಳಲ್ಲಿ ಒಂದಾದ ಎಲ್ಎಲ್ಡಿ ಸುಪ್ರೀಂಕೋರ್ಟ್ನಲ್ಲಿ ಮೇಜರ್ ಥೆಫ್ಟ್ ಇನ್ ಫಸ್ಟ್ ಡಿಗ್ರಿ ಕೇಸ್ ದಾಖಲಿಸಿದೆ. ನ್ಯೂಯಾರ್ಕ್ನಲ್ಲಿ ಮೇಜರ್ ಥೆಫ್ಟ್ ಇನ್ ಫಸ್ಟ್ ಡಿಗ್ರಿ ಅಂದ್ರೆ 1 ಮಿಲಿಯನ್ ಡಾಲರ್ಗೂ ಅಧಿಕ ಮೊತ್ತದ ಮೋಸಕ್ಕೆ ಹಾಕಲಾಗುವ ಒಂದು ಪ್ರಕರಣ.. ಈ ಪ್ರಕರಣದಲ್ಲಿ ಆರೋಪ ಸಾಬೀತಾದ್ರೆ 25 ವರ್ಷಗಳವರೆಗೆ ಜೈಲು ಶಿಕ್ಷೆಯಾಗುತ್ತೆ.
ನೇಹಲ್ ಮೋದಿ ಮೊದಲಿಗೆ ಉದ್ಯಮಿಗಳ ಮುಖಾಂತರ ಎಲ್ಎಲ್ಡಿ ಕಂಪನಿಯ ಅಧ್ಯಕ್ಷರ ಜೊತೆ ಪರಿಚಯ ಬೆಳೆಸಿಕೊಂಡ.. ನಂತರ ಕ್ಯಾಸ್ಟ್ಕೋ ಹೋಲ್ಸೇಲ್ ಕಂಪನಿಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಅವರಿಗೆ ತೋರಿಸಲು ವಜ್ರ ನೀಡುವಂತೆ ಎಲ್ಎಲ್ಡಿ ಕಂಪನಿ ಅಧ್ಯಕ್ಷರ ಹಿಂದೆ ಬಿದ್ದ.. ಆತ್ಮೀಯರಾಗಿದ್ದರಿಂದ ಎಲ್ಎಲ್ಡಿ ಕಂಪನಿ ವಜ್ರವನ್ನು ನೇಹಲ್ಗೆ ನೀಡಿತ್ತು. ನಂತರ ಕ್ಯಾಸ್ಟ್ಕೋ ಕಂಪನಿ ವಜ್ರವನ್ನು ಖರೀದಿಸಲು ಒಪ್ಪಿಕೊಂಡಿದೆ.. ಹಣ ಪಾವತಿಗೆ 90 ದಿನಗಳ ಅವಧಿ ಬೇಕು ಎಂದು ಎಲ್ಎಲ್ಡಿ ಕಂಪನಿಗೆ ತಿಳಿಸಿದ್ದ.. ನಂತರದಲ್ಲಿ ಆ ವಜ್ರವನ್ನು ಕ್ಯಾಸ್ಟ್ಕೋ ಕಂಪನಿಗೆ ನೀಡುವ ಬದಲು ಅಡ ಇಟ್ಟು ಲೋನ್ ತೆಗೆದುಕೊಂಡಿದ್ದಾನೆ.. ಉದ್ಯಮ ಅದು ಇದು ಅಂತ ಸ್ವಂತಕ್ಕೆ ಖರ್ಚು ಮಾಡಿಕೊಂಡು ಎಲ್ಎಲ್ಡಿ ಕಂಪನಿಗೆ ಮೋಸ ಮಾಡಿದ್ದಾರೆ ಅನ್ನೋದು ಆರೋಪ. ಇನ್ನು ಭಾರತದಲ್ಲೂ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಹಗರಣದಲ್ಲಿ ನೀರವ್ ಮೋದಿಯವಂತೆ ಈತ ಕೂಡ ಸಿಬಿಐ ವಾಂಟೆಡ್ ಲಿಸ್ಟ್ನಲ್ಲಿದ್ದಾನೆ.
-masthmagaa.com
Contact Us for Advertisement