masthmagaa.com:
ಪರಮಾಣು ಬಾಂಬ್ ಸೇರಿದಂತೆ ವಿನಾಶಕಾರಿ ಮಿಸೈಲ್ಗಳನ್ನು ಹೊಂದಿರೋ ಉತ್ತರ ಕೊರಿಯಾ ಜೊತೆಗೆ ಭಾರತದ ಶತ್ರು ಪಾಕಿಸ್ತಾನದ ಸ್ನೇಹ ಬೆಳೆಯುತ್ತಾ ಇದೆ. ಇವರಿಬ್ಬರ ಮಿತ್ರತ್ವಕ್ಕೆ ಚೀನಾ ಶಕುನಿ ಪಾತ್ರ ನಿಭಾಯಿಸ್ತಾ ಇದೆ. ಒಟ್ನಲ್ಲಿ ಮೂವರ ನಡುವಿನ ಗಾಢ ಫ್ರೆಂಡ್ಶಿಪ್ ಭಾರತಕ್ಕೆ ಹೊಸ ತಲೆನೋವು ಶುರು ಮಾಡಿದೆ. ಕಳೆದ ವರ್ಷ ಗುಜರಾತ್ನ ಕಂಡಾಲಾ ಬಂದರಿನಲ್ಲಿ ಚೀನೀ ಹಡಗು ಡಾಯ್ ಕುಯ್ ಯುನ್ ಹಡಗು ಪತ್ತೆಯಾಗಿತ್ತು. ಅದ್ರಲ್ಲಿ ದೂರದ ರೇಂಜ್ನ ಮಿಸೈಲ್ಗಳಲ್ಲಿ ಬಳಸೋ ಆಟೋಕ್ಲೇವ್ ವಶಕ್ಕೆ ಪಡೆಯಲಾಗಿತ್ತು. ಇದು ಚೀನಾದಿಂದ ಪಾಕಿಸ್ತಾನದ ಕರಾಚಿಯ ಬಂದರಿಗೆ ಹೋಗ್ತಿತ್ತು. ಪಾಕ್ ಈ ಆಟೋಕ್ಲೇವ್ನ್ನು ಶಾಹೀನ್ ಮಿಸೈಲ್ನಲ್ಲಿ ಬಳಸೋ ಪ್ಲಾನ್ ಹಾಕ್ಕೊಂಡಿತ್ತು ಅಂತ ಕೂಡ ಮಾಹಿತಿ ಸಿಕ್ಕಿತ್ತು. ಇದ್ರ ಬೆನ್ನಲ್ಲೇ ಈಗ ಕಳೆದ 3 ವರ್ಷಗಳಲ್ಲಿ ಉತ್ತರ ಕೊರಿಯಾದ 1718 ಹಡಗುಗಳು ವಿಶ್ವದ ವಿವಿಧ ದೇಶಗಳಿಗೆ ರಹಸ್ಯವಾಗಿ ಹೋಗಿ ಬಂದಿರೋ ವಿಚಾರ ಗೊತ್ತಾಗಿದೆ. ಇವುಗಳಲ್ಲಿ ಎಷ್ಟು ಚೀನಾ ಮತ್ತು ಪಾಕಿಸ್ತಾನಕ್ಕೆ ಹೋಗಿವೆ. ಅದ್ರಲ್ಲಿ ಏನೆಲ್ಲಾ ವಸ್ತುಗಳನ್ನು ಸಾಗಿಸಲಾಗಿದೆ ಅನ್ನೋ ವಿಚಾರ ಮಾತ್ರ ಸ್ಪಷ್ಟವಾಗಿಲ್ಲ. ಈ ವಿಚಾರವಾಗಿ ಅಮೆರಿಕ ಮತ್ತು ಭಾರತ ಸೇರಿದಂತೆ ಹಲವು ದೇಶಗಳು ಆತಂಕ ವ್ಯಕ್ತಪಡಿಸಿವೆ. 2020ರ ಮೇ ತಿಂಗಳಲ್ಲಿ ಜರ್ಮನ್ನ ವರದಿಯೊಂದರಲ್ಲಿ ಚೀನಾ, ಉತ್ತರ ಕೊರಿಯಾ ಮತ್ತು ಪಾಕಿಸ್ತಾನ ಒಟ್ಟಾಗಿ ಸೇರಿಕೊಂಡು ಪರಮಾಣು, ಜೈವಿಕ ಮತ್ತು ರಾಸಾಯನಿಕ ಶಸ್ತ್ರಾಸ್ತ್ರಗಳ ವಿಚಾರವಾಗಿ ಒಪ್ಪಂದ ಏರ್ಪಟ್ಟಿದೆ ಅಂತ ಮಾಹಿತಿ ನೀಡಲಾಗಿತ್ತು. ಅಂದಹಾಗೆ ಈ ಹಿಂದೆ ಪಾಕಿಸ್ತಾನದ ಪರಮಾಣು ಶಸ್ತ್ರಾಸ್ತ್ರಗಳ ಜನಕ ಅಂತ ಕರೆಯಲ್ಪಡುವ ಎಕ್ಯೂ ಖಾನ್ ಉತ್ತರ ಕೊರಿಯಾಗೆ ಪರಮಾಣು ಶಸ್ತ್ರಾಸ್ತ್ರದ ತಂತ್ರಜ್ಞಾನ ಕೊಟ್ಟಿದ್ದಾರೆ ಅನ್ನೋ ಆರೋಪ ಕೇಳಿ ಬಂದಿತ್ತು.
Contact Us for Advertisement