masthmagaa.com:
ದೆಹಲಿ: ಕಳೆದ 20 ದಿನಗಳಲ್ಲಿ ಪೂರ್ವ ಲಡಾಕ್ನಲ್ಲಿ 3 ಬಾರಿ ಗುಂಡಿನ ಸದ್ದು ಮೊಳಗಿದೆ ಅಂತ ಸೇನೆಯ ಮೂಲಗಳು ತಿಳಿಸಿವೆ. 45 ವರ್ಷಗಳ ಬಳಿಕ ಇದೇ ಮೊದಲ ಬಾರಿಗೆ ಭಾರತ-ಚೀನಾ ಗಡಿಯಲ್ಲಿ ಗುಂಡಿನ ಸದ್ದು ಮೊಳಗಿದೆ. ಮೊದಲ ಬಾರಿಗೆ ಆಗಸ್ಟ್ 29-30ರಂದು ಪ್ಯಂಗಾಂಗ್ ಸರೋವರದ ದಕ್ಷಿಣ ದಡದಲ್ಲಿ ಯಥಾಸ್ಥಿತಿ ಬದಲಾವಣೆ ಮಾಡಲು ಯತ್ನಿಸಿದಾಗ ಗುಂಡಿನ ಸದ್ದು ಮೊಳಗಿತ್ತು. ಇದಾದ ಬಳಿಕ ಸೆಪ್ಟೆಂಬರ್ 7ರಂದು ಮುಖ್ಪರಿ ಹೈಟ್ ಬಳಿ ಗುಂಡು ಹಾರಿಸಲಾಗಿತ್ತು. ನಂತರದಲ್ಲಿ ಸೆಪ್ಟೆಂಬರ್ 8ರಂದು ಪ್ಯಂಗಾಂಗ್ ಸರೋವರದ ಉತ್ತರ ದಡದಲ್ಲಿ ಎರಡೂ ದೇಶದ ಸೇನೆ ನಡುವೆ 100 ಸುತ್ತುಗಳಷ್ಟು ಗುಂಡಿನ ಚಕಮಕಿ ನಡೆದಿದೆ. ಈ ವೇಳೆ ಚೀನೀ ಸೈನಿಕರು ಆಕ್ರಮಣಕಾರಿಯಾಗಿ ವರ್ತಿಸಿದ್ದರು ಅಂತ ಸೇನಾ ಮೂಲಗಳು ತಿಳಿಸಿವೆ.
-masthmagaa.com
Contact Us for Advertisement