masthmagaa.com:
AIMIM ಪಕ್ಷದ ಮುಖ್ಯಸ್ಥ ಅಸಾದುದ್ದಿನ್ ಓವೈಸಿ ಪ್ರಧಾನಿ ಮೋದಿ ಮತ್ತು ಬಿಜೆಪಿಗೆ ಚಾಲೆಂಜ್ ಹಾಕಿದ್ದಾರೆ. ಅದು ಹೈದ್ರಾಬಾದ್ ಮಹಾ ನಗರ ಪಾಲಿಕೆ (GHMC) ಚುನಾವಣೆಗೆ ಸಂಬಂಧಿಸಿದಂತೆ. ಹೌದು, ‘ಡಿಸೆಂಬರ್ 1ರಂದು ನಡೆಯಲಿರುವ ಹೈದ್ರಾಬಾದ್ ಪಾಲಿಕೆ ಚುನಾವಣಾ ಪ್ರಚಾರಕ್ಕೆ ಬಿಜೆಪಿಯವರು ಬೇಕಿದ್ರೆ ಪ್ರಾಧನಿ ಮೋದಿಯನ್ನೇ ಕರೆಸಲಿ. ನೋಡೋಣ ಎಷ್ಟು ಸೀಟು ಗೆಲ್ತಾರೆ’ ಅಂತ ಓವೈಸಿ ಚಾಲೆಂಜ್ ಹಾಕಿದ್ಧಾರೆ. ಅಂದ್ಹಾಗೆ ಈ ಚುನಾವಣೆಯನ್ನ ಪ್ರತಿಷ್ಠೆಯಾಗಿ ತೆಗೆದುಕೊಂಡಿರುವ ಬಿಜೆಪಿ ರಾಷ್ಟ್ರ ನಾಯಕರನ್ನೇ ಪ್ರಚಾರಕ್ಕೆ ಕಳಿಸಿದೆ. ಇದರ ಬೆನ್ನಲ್ಲೇ ಓವೈಸಿ ಈ ರೀತಿ ಹೇಳಿದ್ಧಾರೆ. ಇತ್ತೀಚೆಗಷ್ಟೇ ‘ಬಿಜೆಪಿ ಕಡೆಯಿಂದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡ ಪ್ರಚಾರಕ್ಕೆ ಬರಬಹುದು’ ಅಂತ ಟಿಆರ್ಎಸ್ ಲೇವಡಿ ಮಾಡಿತ್ತು. ಇದೀಗ ಓವೈಸಿ ಪ್ರಧಾನಿ ಮೋದಿಗೆ ಚಾಲೆಂಜ್ ಹಾಕಿದ್ದಾರೆ. ಇದೆಲ್ಲದರ ನಡುವೆ ಈಗ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ. ನಡ್ಡಾ ನಾಳೆ ಹೈದ್ರಾಬಾದ್ನಲ್ಲಿ ರೋಡ್ ಶೋ ನಡೆಸಲಿದ್ದಾರೆ ಅನ್ನೋದು ಗೊತ್ತಾಗಿದೆ. ಒಂದು ಪಾಲಿಕೆ ಚುನಾವಣೆಯನ್ನ ಬಿಜೆಪಿ ಈ ಪರಿ ಗಂಭೀರವಾಗಿ ತೆಗೆದುಕೊಂಡಿರೋದು ಇದೇ ಮೊದಲು ಅನ್ಸುತ್ತೆ.
-masthmagaa.com
Contact Us for Advertisement