masthmagaa.com:
ಉತ್ತರ ಪ್ರದೇಶ: ಕೊರೋನಾ ವೈರಸ್ ಹಿನ್ನೆಲೆಯಲ್ಲಿ ದೇಶವನ್ನು ಲಾಕ್ಡೌನ್ ಮಾಡಲಾಗಿದೆ. ಹೀಗಾಗಿ ದೂರದ ಊರುಗಳಲ್ಲಿ ಸಿಲುಕಿದ್ದ ಜನ ಸೈಕಲ್ ಮೂಲಕ, ನಡೆದುಕೊಂಡು ತಮ್ಮ ಊರುಗಳಿಗೆ ತೆರಳುತ್ತಿದ್ದಾರೆ.
ಇದೇ ರೀತಿ ಪಂಜಾಬ್ನ ಲೂದಿಯಾನದಲ್ಲಿ ಉತ್ತರ ಪ್ರದೇಶ ಮೂಲದ 24 ವರ್ಷದ ಸೋನು ಕುಮಾರ್ ಚೌವ್ಹಾಣ್ ಕೂಡ ಸಿಲುಕಿದ್ದ. ಈತ ಲೂದಿಯಾನದ ಟೈಲ್ಸ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದ. ಈತನಿಗೆ ಏಪ್ರಿಲ್ 15ರಂದು ಮದುವೆ ಫಿಕ್ಸ್ ಆಗಿತ್ತು. ಹೀಗಾಗಿ ತನ್ನ ಮೂವರು ಸ್ನೇಹಿತರೊಂದಿಗೆ ಸೈಕಲ್ನಲ್ಲಿ 850 ಕಿಲೋಮೀಟರ್ ದೂರದ ಉತ್ತರ ಪ್ರದೇಶದ ಬಲರಾಂಪುರದಲ್ಲಿರೋ ಸ್ವಗ್ರಾಮಕ್ಕೆ ಹೊರಟಿದ್ದಾನೆ.
ಹಗಲು ರಾತ್ರಿ ಸೈಕಲ್ ತುಳಿದು ಒಂದು ವಾರದ ಬಳಿಕ ತನ್ನ ಗ್ರಾಮ ತಲುಪಿದ್ದಾನೆ. ಆದ್ರೆ ಅಷ್ಟರಲ್ಲಿ ಸ್ಥಳೀಯ ಆಡಳಿತ ನಾಲ್ವರನ್ನು ಹಿಡಿದು ಕ್ವಾರಂಟೈನ್ನಲ್ಲಿ ಇರಿಸಿದೆ. ಜೊತೆಗೆ ಎಷ್ಟೇ ಮನವಿ ಮಾಡಿದ್ರೂ ಮನೆಗೆ ಹೋಗಲು, ಮದುವೆಯಾಗಲು ಅವಕಾಶ ನೀಡಲೇ ಇಲ್ಲ. ಈಗ ಮದುವೆ ಫಿಕ್ಸ್ ಆಗಿದ್ದ ದಿನ ಕೂಡ ಕಳೆದು ಹೋಗಿದ್ದು, ನಾಲ್ವರೂ ಕ್ವಾರಂಟೈನ್ನಲ್ಲಿದ್ದಾರೆ. ಕ್ವಾರಂಟೈನ್ ಮುಗಿದ ಬಳಿಕ ಕೊರೋನಾ ಲಕ್ಷಣ ಕಂಡು ಬರದಿದ್ದರೆ ಅವರನ್ನು ಬಿಟ್ಟು ಕಳುಹಿಸುತ್ತೇವೆ ಅಂತ ಬಲರಾಂಪುರ ಎಸ್ಪಿ ತಿಳಿಸಿದ್ದಾರೆ.
-masthmagaa.com
Contact Us for Advertisement