masthmagaa.com:
ಕೊರೋನಾ ವೈರಸ್ಗೆ ಆಕ್ಸ್ಫರ್ಡ್ ಯುನಿವರ್ಸಿಟಿ ಮತ್ತು ಆಸ್ಟ್ರಝೆನೆಕಾ ಕಂಪನಿ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ‘ಕೋವಿಶೀಲ್ಡ್’ ಲಸಿಕೆಯ 4 ಕೋಟಿ ಡೋಸ್ಗಳನ್ನ ಉತ್ಪಾದನೆ ಮಾಡಿ ಆಗಿದೆ ಅಂತ ಪುಣೆಯ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಘೋಷಿಸಿದೆ. ಭಾರತದಲ್ಲಿ 2021ರ ಆರಂಭದಲ್ಲಿ ಒಂದಕ್ಕಿಂತ ಹೆಚ್ಚು ಕೊರೋನಾ ಲಸಿಕೆ ಲಭ್ಯವಾಗುವ ನಿರೀಕ್ಷೆ ಇದೆ ಅಂತ ಕೇಂದ್ರ ಸರ್ಕಾರ ಇತ್ತೀಚೆಗೆ ಘೋಷಣೆ ಮಾಡಿದ ಬೆನ್ನಲ್ಲೇ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ 4 ಕೋಟಿ ಡೋಸ್ಗಳನ್ನ ಉತ್ಪಾದನೆ ಮಾಡಿ ಇಟ್ಟಿದ್ದೀವಿ ಅಂತ ಹೇಳಿದೆ. ಜೊತೆಗೆ ‘ಕೋವಿಶೀಲ್ಡ್’ ಲಸಿಕೆಯ 3ನೇ ಮತ್ತು ಕೊನೇ ಹಂತದ ಮಾನವ ಪ್ರಯೋಗಕ್ಕೆ 1,600 ಸ್ವಯಂ ಸೇವಕರನ್ನ ನೋಂದಾಯಿಸಿಕೊಂಡಿದೆ. ಅಂದ್ಹಾಗೆ ಭಾರತದಲ್ಲಿ ಆಕ್ಸ್ಫರ್ಡ್-ಆಸ್ಟ್ರಾಝೆನೆಕಾ ಲಸಿಕೆಯ ಉತ್ಪಾದನೆ ಮತ್ತು ಮಾನವ ಪ್ರಯೋಗವನ್ನು ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ನೋಡಿಕೊಳ್ಳುತ್ತದೆ.
ಮತ್ತೊಂದುಕಡೆ ಅಮೆರಿಕದ ನೋವಾವಾಕ್ಸ್ ಕಂಪನಿ ಅಭಿವೃದ್ಧಿಪಡಿಸುತ್ತಿರುವ ಕೊರೋನಾ ಲಸಿಕೆಯನ್ನು ಕೂಡ ಶೀಘ್ರದಲ್ಲೇ ಉತ್ಪಾದಿಸುತ್ತೇವೆ ಅಂತ ಸೀರಂ ಇನ್ಸ್ಟಿಟ್ಯೂಟ್ ಹೇಳಿದೆ. ಜೊತೆಗೆ ನೋವಾವಾಕ್ಸ್ ಲಸಿಕೆಯ 3ನೇ ಹಂತದ ಮಾನವ ಪ್ರಯೋಗವನ್ನು ಕೂಡ ನಡೆಸಲು ಸರ್ಕಾರದಿಂದ ಅನುಮೋದನೆ ಪಡೆಯಲು ಸಿದ್ಧತೆ ನಡೆಯುತ್ತಿದೆ.
-masthmagaa.com
Contact Us for Advertisement