masthmagaa.com:
ಇಂಡೋನೇಷ್ಯಾ ಸರ್ಕಾರ ತನ್ನ ಜನತೆಗೆ ಕೊರೋನಾ ಲಸಿಕೆ ಹಾಕಲು ತಯಾರಿ ನಡೆಸುತ್ತಿರುವಾಗಲೇ ಚೀನಾದ ಸಿನೋವ್ಯಾಕ್ ಬಯೋಟೆಕ್ ಲಿಮಿಟೆಡ್ ಅಭಿವೃದ್ಧಿಪಡಿಸಿರುವ ಲಸಿಕೆಯ ಮೊದಲ ಶಿಪ್ಮೆಂಟ್ ಇಂಡೋನೇಷ್ಯಾ ತಲುಪಿದೆ. ಇದನ್ನ ಇಂಡೋನೇಷ್ಯಾ ಅಧ್ಯಕ್ಷ ಜೋಕೊ ವಿಡೋಡೊ ತಿಳಿಸಿದ್ದಾರೆ. ಇವರು ಜೋಕೋವಿ ಅಂತಾನೇ ಫೇಮಸ್. ಮೊದಲ ಶಿಪ್ಮೆಂಟ್ನಲ್ಲಿ ಸಿನೋವ್ಯಾಕ್ ಲಸಿಕೆಯ 12 ಲಕ್ಷ ಡೋಸ್ಗಳು ಬಂದಿದ್ದು, ಜನವರಿಯಲ್ಲಿ ಇನ್ನೂ 18 ಲಕ್ಷ ಡೋಸ್ಗಳನ್ನ ಖರೀದಿಸುವ ಪ್ಲಾನ್ ಮಾಡಲಾಗಿದೆ. ಆದ್ರೆ ಈ ಲಸಿಕೆಗೆ ಅಲ್ಲಿನ ಔಷಧ ನಿಯಂತ್ರಣ ಪ್ರಾಧಿಕಾರ ಇನ್ನೂ ಅನುಮತಿ ನೀಡಿಲ್ಲ. ಚೀನಾದ ಈ ಲಸಿಕೆ ಎಷ್ಟು ಸುರಕ್ಷಿತ ಅನ್ನೋದು ಕೂಡ ದೃಢಪಟ್ಟಿಲ್ಲ. ಇಂಡೋನೇಷ್ಯಾದಲ್ಲಿ ಆಗಸ್ಟ್ನಿಂದ ಈ ಲಸಿಕೆಯ ಪ್ರಯೋಗ ನಡೆಯುತ್ತಿದೆ. ಬ್ರೆಜಿಲ್ ಮತ್ತು ಟರ್ಕಿಯಲ್ಲಿ ಕೊನೇ ಹಂತದ ಮಾನವ ಪ್ರಯೋಗ ನಡೆಯುತ್ತಿದ್ದ ಶೀಘ್ರದಲ್ಲಿ ಅದರ ಮಧ್ಯಂತರ ವರದಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.
-masthmagaa.com
Contact Us for Advertisement