masthmagaa.com:
ಮನೆಯಿಂದ ಹೊರಗೆ ಬಂದು ಸೀನುವುದರ ಮೂಲಕ ಕೊರೋನಾ ಸೋಂಕು ಹರಡಿ ಅಂತ ಫೇಸ್ಬುಕ್ನಲ್ಲಿ ಬರೆದುಕೊಂಡು ವಿಕೃತಿ ಮೆರೆದಿದ್ದ ಸಾಫ್ಟ್ವೇರ್ ಇಂಜಿನಿಯರ್ ಮುಜೀಬ್ ಮೊಹಮ್ಮದ್ ಎಂಬಾತನನ್ನ ಬೆಂಗಳೂರು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಈತನ ಲ್ಯಾಪ್ಟಾಪ್ ಹಾಗೂ ಮೊಬೈಲ್ ಫೋನನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ.
ಆರೋಪಿ ಮುಜೀಬ್ ಮೊಹಮ್ಮದ್ ಇನ್ಫೋಸಿಸ್ ಕಂಪನಿ ಉದ್ಯೋಗಿಯಾಗಿದ್ದಾನೆ. ಈ ಬಗ್ಗೆ ಟ್ವಿಟ್ಟರ್ನಲ್ಲಿ ಪ್ರತಿಕ್ರಿಯಿಸಿರೋ ಇನ್ಫೋಸಿಸ್, ‘ಸೋಷಿಯಲ್ ಮೀಡಿಯಾ ಪೋಸ್ಟ್ ಬಗ್ಗೆ ಕಂಪನಿಯು ತನಿಖೆ ಪೂರ್ಣಗೊಳಿಸಿದೆ. ಈ ವೇಳೆ ಇದೊಂದು ಉದ್ದೇಶಪೂರ್ವಕ ಕೃತ್ಯ ಅನ್ನೋದು ಗೊತ್ತಾಗಿದೆ’ ಅಂತ ಹೇಳಿದೆ. ಅಲ್ಲದೆ ಮುಜೀಬ್ ಮೊಹಮ್ಮದ್ನನ್ನು ಕೆಲಸದಿಂದ ತೆಗೆದು ಹಾಕಿರೋದಾಗಿ ತಿಳಿಸಿದೆ.
-masthmagaa.com
