masthmagaa.com:
ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 75,760 ಜನರಿಗೆ ಹೊಸದಾಗಿ ಕೊರೋನಾ ಸೋಂಕು ತಗುಲಿದ್ದು ಹೊಸ ದಾಖಲೆ ಬರೆದಿದೆ. ಭಾರತದಲ್ಲಿ ಇದುವರೆಗಿನ ಹೈಯೆಸ್ಟ್ ಮತ್ತು ಜಗತ್ತಿನಲ್ಲಿ ಎರಡನೇ ಹೈಯೆಸ್ಟ್ ನಂಬರ್ ಇದು. ಜುಲೈ 16ರಂದು ಅಮೆರಿಕದಲ್ಲಿ 77,000+ ಜನರಿಗೆ ಸೋಂಕು ತಗುಲಿತ್ತು. ಇದೀಗ ಭಾರತದಲ್ಲಿ 75,000+ ಪ್ರಕರಣಗಳು ದೃಢಪಟ್ಟಿರೋದು ಆತಂಕಕಾರಿ. ದೇಶದಲ್ಲಿ ಸದ್ಯ ಒಟ್ಟು ಸೋಂಕಿತರ ಸಂಖ್ಯೆ 33.10 ಲಕ್ಷ ದಾಟಿದೆ.
ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 1,023 ಸೋಂಕಿತರು ಮೃತಪಟ್ಟಿದ್ದು ಒಟ್ಟು ಮೃತಪಟ್ಟವರ ಸಂಖ್ಯೆ 60,472 ಆಗಿದೆ. ಹೊಸದಾಗಿ 56,000+ ಸೋಂಕಿತರು ಗುಣಮುಖರಾಗಿ ವಿವಿಧ ಆಸ್ಪತ್ರೆಗಳಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಈ ಮೂಲಕ ಒಟ್ಟು ಗುಣಮುಖರಾದವರ ಸಂಖ್ಯೆ 25.23 ಲಕ್ಷ ದಾಟಿದ್ದು, 7.25 ಲಕ್ಷ ಸೋಂಕಿತರು ಇನ್ನೂ ಕೂಡ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಭಾರತದಲ್ಲಿ ಗುಣಮುಖ ಪ್ರಮಾಣ 76.24% ಇದ್ದು, ಸಾವಿನ ಪ್ರಮಾಣ 1.83% ಇದೆ. ಆಗಸ್ಟ್ 26ರಂದು ದೇಶದಲ್ಲಿ 9.24 ಲಕ್ಷ ಸ್ಯಾಂಪಲ್ಗಳನ್ನ ಪರೀಕ್ಷಿಸಲಾಗಿದೆ. ಇದುವರೆಗೆ 3.85 ಕೋಟಿ ಸ್ಯಾಂಪಲ್ಗಳನ್ನ ಪರೀಕ್ಷೆ ಮಾಡಲಾಗಿದೆ ಅಂತ ಐಸಿಎಂಆರ್ ತಿಳಿಸಿದೆ.
ರಾಜ್ಯವಾರು ಸಕ್ರಿಯ ಪ್ರಕರಣ (ಟಾಪ್-10):
1. ಮಹಾರಾಷ್ಟ್ರ: 1.73 ಲಕ್ಷ ಪ್ರಕರಣ (23,000+ ಸಾವು)
2. ಆಂಧ್ರಪ್ರದೇಶ: 92,000+ ಪ್ರಕರಣ (3,500+ ಸಾವು)
3. ಕರ್ನಾಟಕ: 83,000+ ಪ್ರಕರಣ (5,000+ ಸಾವು)
4. ತಮಿಳುನಾಡು: 52,000+ ಪ್ರಕರಣ (6,800+ ಸಾವು)
5. ಉತ್ತರಪ್ರದೇಶ: 51,000+ ಪ್ರಕರಣ (3,100+ ಸಾವು)
6. ತೆಲಂಗಾಣ: 27,000+ ಪ್ರಕರಣ (788 ಸಾವು)
7. ಪಶ್ಚಿಮ ಬಂಗಾಳ: 26,000+ ಪ್ರಕರಣ (2,900+ ಸಾವು)
8. ಒಡಿಶಾ: 24,000+ ಪ್ರಕರಣ (441 ಸಾವು)
9. ಕೇರಳ: 22,000+ ಪ್ರಕರಣ (257 ಸಾವು)
10. ಬಿಹಾರ: 19,000+ ಪ್ರಕರಣ (530 ಸಾವು)
-masthmagaa.com
Contact Us for Advertisement