masthmagaa.com:
ಅಮೆರಿಕ: ಚುನಾವಣಾ ಫಲಿತಾಂಶವನ್ನು ಮೊದಲಿನಿಂದಲೂ ನಿರಾಕರಿಸುತ್ತಲೇ ಬಂದಿರೋ ಡೊನಾಲ್ಡ್ ಟ್ರಂಪ್ ಅವರ ಆಡಿಯೋವೊಂದು ಈಗ ಬಿರುಗಾಳಿ ಎಬ್ಬಿಸಿದೆ. ಜಾರ್ಜಿಯಾ ಚುನಾವಣಾ ಅಧಿಕಾರಿ ಮತ್ತು ರಿಪಬ್ಲಿಕನ್ ಪಕ್ಷದ ನಾಯಕ ರಫೆನ್ ಸ್ಪೆರ್ಗರ್ ಅವರಿಗೆ ಕರೆ ಮಾಡಿದ್ದ ಡೊನಾಲ್ಡ್ ಟ್ರಂಪ್, ಫಲಿತಾಂಶ ಬದಲಿಸುವಂತೆ ಒತ್ತಡ ಹೇರಿದ್ದಾರೆ. ನನಗೆ 11,780 ಮತಗಳ ಅಗತ್ಯತೆ ಇದೆ.. ನೀವು ಈ ಕೆಲಸವನ್ನು ಮಾಡಬೇಕು ಅಂತ ಒತ್ತಾಯಿಸಿದ್ದಾರೆ..
ಆದ್ರೆ ಟ್ರಂಪ್ ಹೇಳಿಕೆಗೆ ಪ್ರತಿಕ್ರಿಯಿಸುವ ರಫೆನ್ಸ್ಪೆರ್ಗರ್, ಜಾರ್ಜಿಯಾದ ಫಲಿತಾಂಶ ಸರಿಯಾಗೇ ಇದೆ. ಈಗ ಅದನ್ನು ಬದಲಿಸಲು ಸಾಧ್ಯವಿಲ್ಲ ಅಂತಾರೆ.. ಅದಕ್ಕೆ ಕೋಪಗೊಳ್ಳುವ ಟ್ರಂಪ್, ಒಂದ್ವೇಳೆ ನಾನು ಹೇಳಿದಂತೆ ಮಾಡದೇ ಇದ್ದರೆ, ಗಂಭೀರ ಪರಿಣಾಮ ಎದುರಿಸಬೇಕಾಗುತ್ತೆ ಹುಷಾರ್ ಅಂತ ಬೆದರಿಕೆ ಹಾಕಿದ್ದಾರೆ. ಜೊತೆಗೆ ಜಾರ್ಜಿಯಾ ಚುನಾವಣಾ ಅಧಿಕಾರಿಗೂ, ನೀನು ದೊಡ್ಡ ರಿಸ್ಕ್ ತೆಗೆದುಕೊಳ್ತಿದ್ದೀಯಾ ಅಂತ ಬೆದರಿಸಿದ್ದಾರೆ. 1 ಗಂಟೆಯಷ್ಟಿರುವ ಈ ಟೇಪ್ ಈಗ ಅಮೆರಿಕ ರಾಜಕೀದಲ್ಲಿ ಸಂಚಲನ ಮೂಡಿಸಿದೆ. ಇದನ್ನು ವಾಟರ್ಗೇಟ್ ಹಗರಣಕ್ಕೆ ಹೋಲಿಸಲಾಗುತ್ತಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಡೆಮಾಕ್ರಟಿಕ್ ಪಕ್ಷದ ನಾಯಕರು, ಇದು ನಿರಾಶೆಯ ಧ್ವನಿ.. ಟ್ರಂಪ್ ಅವರು ಅಧಿಕಾರದ ದುರ್ಬಳಕೆ ಮಾಡಿಕೊಳ್ತಿದ್ದಾರೆ ಅಂತ ಕಿಡಿಕಾರಿದ್ದಾರೆ.
ಅಂದಹಾಗೆ ಚುನಾವಣೆಯಲ್ಲಿ ಈ ಕ್ಷೇತ್ರದಲ್ಲಿ ಡೆಮೋಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೋ ಬೈಡೆನ್ ಗೆಲುವು ದಾಖಲಿಸಿದ್ದರು. ಅಮೆರಿಕದ 50 ರಾಜ್ಯಗಳ ಎಲೆಕ್ಟೋರಲ್ ಕಾಲೇಜ್ನಲ್ಲಿ ಬೈಡೆನ್ ಅವರಿಗೆ 306 ಮತಗಳು ಸಿಕ್ಕಿದ್ರೆ, ಟ್ರಂಪ್ ಅವರಿಗೆ 232 ಮತಗಳು ಬಂದಿವೆ.. ಅಮೆರಿಕ ಅಧ್ಯಕ್ಷ ಹುದ್ದೆಗೇರಲು 270 ಮತಗಳ ಅಗತ್ಯತೆ ಇದೆ.
-masthmagaa.com
Contact Us for Advertisement