masthmagaa.com:
ಕೊರೋನಾ ವೈರಸ್ ಚೀನಾದಲ್ಲಿ ಸೃಷ್ಟಿಸಿದ ಹಾವಳಿ ಬಗ್ಗೆ ಅಮೆರಿಕ ಸೇರಿದಂತೆ ಇಡೀ ವಿಶ್ವ ಸಮುದಾಯಕ್ಕೆ ಅನುಮಾನ. ಸೋಂಕಿತರ ಬಗ್ಗೆ, ಸಾವಿನ ಸಂಖ್ಯೆ ಬಗ್ಗೆ ಚೀನಾ ಸುಳ್ಳು ಮಾಹಿತಿ ನೀಡುತ್ತಿದೆ ಅನ್ನೋ ಆರೋಪ.. ಇದರ ನಡುವೆಯೇ ಕೊರೋನಾ ವೈರಸ್ ಮೊದಲು ಕಾಣಿಸಿಕೊಂಡ ವುಹಾನ್ನಲ್ಲಿನ ಸೋಂಕಿತರು ಹಾಗೂ ಮೃತಪಟ್ಟವರ ಸಂಖ್ಯೆಯನ್ನ ಚೀನಾ ಸರ್ಕಾರ ಪರಿಷ್ಕರಿಸಿದೆ.
ಪರಿಷ್ಕೃತ ಲೆಕ್ಕದ ಪ್ರಕಾರ ವುಹಾನ್ನಲ್ಲಿ ಕೊರೋನಾ ಸೋಂಕಿಗೆ ಮೃತಪಟ್ಟವರ ಸಂಖ್ಯೆಯಲ್ಲಿ 1,290 ಏರಿಕೆಯಾಗಿದೆ. ಈ ಮೂಲಕ ವುಹಾನ್ನಲ್ಲಿ ಒಟ್ಟು 3,869 ಜನ ಬಲಿಯಾದಂತಾಗಿದೆ. ಅದೇ ರೀತಿ ಸೋಂಕಿತರ ಸಂಖ್ಯೆ 325ರಷ್ಟು ಏರಿಕೆಯಾಗಿದೆ. ಈ ಮೂಲಕ ವುಹಾನ್ನಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 50,333ಕ್ಕೆ ಏರಿಕೆಯಾಗಿದೆ. ಹೊಸದಾಗಿ ಸೇರ್ಪಡೆಯಾದ ಪ್ರಕರಣಗಳು ಆಸ್ಪತ್ರೆಯ ಹೊರಗೆಯಾದ ಸಾವು ಹಾಗೂ ಕಾಯಿಲೆಗಳು. ಅಂಕಿ ಸಂಖ್ಯೆ ಬಗ್ಗೆ ಯಾರೂ ಸುಳ್ಳು ಮಾಹಿತಿ ನೀಡ್ತಿಲ್ಲ ಅಂತ ಚೀನಾ ಸರ್ಕಾರ ಹೇಳಿದೆ.
ಈ ಮೂಲಕ ಚೀನಾದಲ್ಲಿ ಒಟ್ಟು 82,692 ಪ್ರಕರಣಗಳು ದೃಢಪಟ್ಟಂತಾಗಿದ್ದು, ಸಾವಿನ ಸಂಖ್ಯೆ 4,632ಕ್ಕೆ ಏರಿಕೆಯಾಗಿದೆ. ಅಲ್ಲದೆ ರೋಗ ಲಕ್ಷಣ ಕಾಣಿಸದ 1038 ಜನರನ್ನು ತೀವ್ರ ನಿಗಾದಲ್ಲಿ ಇಡಲಾಗಿದೆ.
-masthmagaa.com
Contact Us for Advertisement