masthmagaa.com:
ಪಾಕಿಸ್ತಾನದಲ್ಲಿ ಕೊರೋನಾ ಸೋಂಕಿನ ಎರಡನೇ ಅಲೆ ನಿಧಾನವಾಗಿ ಏಳಲು ಆರಂಭವಾದಂತೆ ಕಾಣ್ತಿದೆ. ಕಳೆದ 24 ಗಂಟೆಗಳಲ್ಲಿ ಪಾಕ್ನಲ್ಲಿ 2,128 ಜನರಿಗೆ ಹೊಸದಾಗಿ ಕೊರೋನಾ ಸೋಂಕು ದೃಢಪಟ್ಟಿದೆ. ಜುಲೈ ಬಳಿಕ ಒಂದು ದಿನದಲ್ಲಿ ದೃಢಪಟ್ಟ ಅತಿ ಹೆಚ್ಚು ಪ್ರಕರಣ ಇದಾಗಿದೆ. ಇಷ್ಟೇ ಅಲ್ಲ ಸತತ 4 ದಿನಗಳಿಂದ 2,000ಕ್ಕೂ ಹೆಚ್ಚು ಪ್ರಕರಣಗಳು ವರದಿಯಾಗಿವೆ. ಪಾಕಿಸ್ತಾನದ ಕೊರೋನಾ ಗ್ರಾಫ್ ನೋಡಿದ್ರೆ ಅಲ್ಲಿ ಎರಡನೇ ಅಲೆ ಶುರುವಾಗುವ ಮುನ್ಸೂಚನೆ ಎದ್ದು ಕಾಣುತ್ತೆ.
ಅಂದ್ಹಾಗೆ ಪಾಕ್ನಲ್ಲಿ ಜೂನ್ ತಿಂಗಳಿನಲ್ಲಿ ಕೊರೋನಾ ಪೀಕ್ (ಗರಿಷ್ಠ ಮಟ್ಟ) ತಲುಪಿತ್ತು. ಆಗ ಅತಿ ಹೆಚ್ಚು 6,800 ಕೊರೋನಾ ಕೇಸ್ ದೃಢಪಟ್ಟಿತ್ತು. ಬಳಿಕ ಇಳಿಮುಖವಾಗುತ್ತಾ ಬಂದಿದ್ದ ನಂಬರ್ಸ್ ಆಗಸ್ಟ್ನಲ್ಲಿ 213ಕ್ಕೆ ಬಂದಿತ್ತು. ಆದ್ರೀಗ ಈ ನಂಬರ್ಸ್ ಮತ್ತೆ ಏರುಮುಖವಾಗಿ ಹೋಗುತ್ತಿದೆ. ಪಾಕ್ನಲ್ಲಿ ಇದುವರೆಗೆ 3.59 ಲಕ್ಷ ಜನರಿಗೆ ಸೋಂಕು ತಗುಲಿದ್ದು 7,160 ಸೋಂಕಿತರು ಮೃತಪಟ್ಟಿದ್ದಾರೆ. ಹಾಗೇ 3.23 ಲಕ್ಷ ಜನ ಗುಣಮುಖ ಕೂಡ ಆಗಿದ್ದಾರೆ.
-masthmagaa.com
Contact Us for Advertisement