masthmagaa.com:
ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಅಡಿಲೇಡ್ನಲ್ಲಿ ನಡೆಯುತ್ತಿರುವ ಮೊದಲ ಡೇ-ನೈಟ್ ಟೆಸ್ಟ್ ಪಂದ್ಯ ರೋಚಕ ಗಟ್ಟ ತಲುಪಿದೆ. ಭಾರತವೇ ಸ್ವಲ್ಪ ಮೇಲುಗೈ ಸಾಧಿಸಿದಂತೆ ಕಾಣ್ತಿದೆ. ಮೊದಲ ದಿನವಾದ ನಿನ್ನೆ 6 ವಿಕೆಟ್ ಕಳೆದುಕೊಂಡು 233 ರನ್ ಗಳಿಸಿದ್ದ ಟೀಂ ಇಂಡಿಯಾ ಇವತ್ತು ಕೇವಲ 11 ರನ್ ಸೇರಿಸಿ 244 ರನ್ಗಳಿಗೆ ಆಲೌಟ್ ಆಯ್ತು. ನಂತರ ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ 191 ರನ್ಗೆ ಆಲೌಟ್ ಆಯ್ತು. ಆಸ್ಟ್ರೇಲಿಯಾ ಪರ ನಾಯಕ ಟಿಮ್ ಪೈನೆ 73 ರನ್ ಸಿಡಿಸಿ ಅಜೇಯರಾಗಿ ಉಳಿದ್ರು. ಭಾರತದ ಪರ ಅಶ್ವಿನ್ 4, ಉಮೇಶ್ ಯಾದವ್ 3 ಮತ್ತು ಬುಮ್ರಾ 2 ವಿಕೆಟ್ ಪಡೆದ್ರು. 53 ರನ್ ಮುನ್ನಡೆ ಪಡೆದು ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಭಾರತಕ್ಕೆ ಓಪನರ್ ಪೃಥ್ವಿ ಶಾ ಮತ್ತೆ ಕೈ ಕೊಟ್ರು. ಕೇವಲ 4 ರನ್ ಗಳಿಸಿ ಔಟಾದ್ರು. ಎರಡನೇ ದಿನದ ಅಂತ್ಯಕ್ಕೆ ಭಾರತ 1 ವಿಕೆಟ್ ಕಳೆದುಕೊಂಡು 9 ರನ್ ಗಳಿಸಿದೆ. ಮಯಾಂಗ್ ಅಗರ್ವಾಲ್ 5 ಮತ್ತು ಬುಮ್ರಾ 0 ರನ್ಗಳೊಂದಿಗೆ 3ನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಮೊದಲ ಇನ್ನಿಂಗ್ಸ್ನ 53 ಮತ್ತು 2ನೇ ಇನ್ನಿಂಗ್ಸ್ನ 9 ರನ್ ಸೇರಿಸಿ ಭಾರತ ಒಟ್ಟು 62 ರನ್ಗಳ ಮುನ್ನಡೆ ಸಾಧಿಸಿದೆ. ಇದನ್ನ ನೋಡಿದ್ರೆ ಲೋ ಸ್ಕೋರಿಂಗ್ನ ಈ ಪಂದ್ಯ ನಾಲ್ಕೇ ದಿನಕ್ಕೆ ಮುಗಿಯುವ ಲಕ್ಷಣ ಕಾಣ್ತಿದೆ.
-masthmagaa.com
Contact Us for Advertisement