masthmagaa.com:
ಬಿಗ್ ಬಿ ಅಮಿತಾಬ್ ಬಚ್ಚನ್ ಮತ್ತು ಅಭಿಷೇಕ್ ಬಚ್ಚನ್ಗೆ ಕೊರೋನಾ ತಗುಲಿರೋದ್ರಿಂದ ಅವರ ಮುಂಬೈನ ಜಲ್ಸಾ ನಿವಾಸವನ್ನು ಕಂಟೈನ್ಮೆಂಟ್ ಜೋನ್ ಅಂತ ಘೋಷಿಸಲಾಗಿದ್ದು, ಸೀಲ್ಡೌನ್ ಮಾಡಲಾಗಿದೆ. ಹೀಗಾಗಿ ಈ ಮನೆಗೆ ಯಾರೂ ಬರುವಂತಿಲ್ಲ ಮತ್ತು ಮನೆಯಿಂದ ಯಾರೂ ಹೊರ ಹೋಗಲು ಅವಕಾಶವಿಲ್ಲ. ಮನೆ ಮತ್ತು ಮನೆಯ ಆವರಣವನ್ನು ಸಂಪೂರ್ಣವಾಗಿ ಸ್ಯಾನಿಟೈಸ್ ಮಾಡಲಾಗಿದೆ. ಸುಮಾರು 18-20 ವೈದ್ಯಕೀಯ ಸಿಬ್ಬಂದಿ ಮನೆಗೆ ಆಗಮಿಸಿ ಇನ್ನುಳಿದವರ ಸ್ಯಾಂಪಲ್ಗಳನ್ನು ತೆಗೆದುಕೊಂಡಿದ್ದಾರೆ.
ಮತ್ತೊಂದು ತಂಡವು ಅಮಿತಾಬ್ ಬಚ್ಚನ್ ಮತ್ತು ಅಭಿಷೇಕ್ ಬಚ್ಚನ್ ಅವರು ಬಳಸಿದ ವಸ್ತುಗಳನ್ನ ಸಂಗ್ರಹಿಸಿದೆ. ಜಲ್ಸಾ ನಿವಾಸವನ್ನು ಹೊರತುಪಡಿಸಿ ಅಮಿತಾಬ್ ಬಚ್ಚನ್ಗೆ ಸೇರಿದ ಜನಕ್ ಮತ್ತು ಪ್ರತೀಕ್ಷಾ ಕಟ್ಟಡಗಳನ್ನು ಸಂಪೂರ್ಣವಾಗಿ ಸ್ಯಾನಿಟೈಸ್ ಮಾಡಲಾಗಿದೆ. ಇಬ್ಬರು ಚಿಕಿತ್ಸೆ ಪಡೆಯುತ್ತಿರುವ ನಾನಾವತಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಸುತ್ತಮುತ್ತ ಕೂಡ ಸ್ಯಾನಿಟೈಸ್ ಮಾಡಲಾಗಿದೆ.
ಇದನ್ನೂ ಓದಿ: ಲಿವರ್ ಸಮಸ್ಯೆ, ಲಾಕ್ಡೌನ್ ಸಂದರ್ಭದಲ್ಲೂ ಶೂಟಿಂಗ್ನಲ್ಲಿ ಬ್ಯುಸಿ ಇದ್ದ ‘ಬಿಗ್ ಬಿ’
ಅಮಿತಾಬ್ ಬಚ್ಚನ್ ಮತ್ತು ಅಭಿಷೇಕ್ ಬಚ್ಚನ್ ಅವರ ಸಂಪರ್ಕಕ್ಕೆ ಸುಮಾರು 100 ಜನ ಬಂದಿರಬಹುದು ಅಂತ ಅಂದಾಜಿಸಲಾಗಿದೆ. ಈ ಹಿನ್ನೆಲೆ ಅವರನ್ನೆಲ್ಲಾ ಪತ್ತೆಹಚ್ಚಿ ಕೊವಿಡ್ ಪರೀಕ್ಷೆ ನಡೆಸಲು ಮುಂಬೈ ಮಹಾನಗರ ಪಾಲಿಕೆ ಸಿದ್ಧತೆ ನಡೆಸಿದೆ.
-masthmagaa.com
Contact Us for Advertisement